ភ្នំពេញៈ ​សហព័ន្ធ​កីឡា​បាល់​ទាត់​កម្ពុជា (FFC) បានកំណត់​ឲ្យ​មាន​ការ​ប្រកួត​ក្របខ័ណ្ឌ​បាល់​ទាត់ធំៗ​ក្នុង​ស្រុក​ចំនួន ៣ ​ក្នុង​ឆ្នាំ ២០១៦ ខាង​មុខ​នេះ ក្នុង​នោះ​មាន​ការ​​ប្រកួត​ក្របខ័ណ្ឌ​មិត្ត​ហ្វូនខេម​បូឌាន​លីក (MCL) ការ​ប្រកួត​ពាន​រង្វាន់សម្តេច​ហ៊ុនសែន និង​ការ​ប្រកួត​ក្របខ័ណ្ឌ​​ខេមបូឌាន​លីក ២ (Cambodian League II) ដែល​ទើប​តែ​បង្កើត​ឲ្យ​មាន​ឡើង​ជា​លើក​ដំបូង ខណៈការប្រកួត​ជើង​ឯក​ក្របខ័ណ្ឌ​ក ១ និង​ក ២ ទូទាំងប្រទេស​របស់​ក្រសួង​អប់រំ យុវជន និង​កីឡា ត្រូវបាន​លុប​ចោល​នោះ។