ភ្នំពេញៈ ក្រុម​អត្តពលិក​កីឡា​តេក្វាន់ដូ ITF របស់​កម្ពុជា បានឈ្នះ​មេដាយមាស​រហូតដល់ ៩ ក្នុងការ​ប្រកួត​បើកឆាក​កីឡា​តេក្វាន់ដូ ITF ជ្រើស​រើស​ជើងឯក​អាស៊ីអាគ្នេយ៍ លើកទី ១ ឆ្នាំ ២០១៦ នៅវិមាន​ពហុកីឡដ្ឋានជាតិ កាល​ពីព្រឹក​ថ្ងៃ​ចន្ទ ម្សិល​មិញ គឺ​មុនពេល​ពួកគេ​បាន​ចូលរួម​ក្នុងពិធី​បើកជា​ផ្លូវការ​ដ៏ធំមួយ ក្រោម​អធិបតី​ភាពលោក​ស្រីឧបនាយករដ្ឋមន្រ្តី ម៉ែន សំអន រួម​ជាមួយ​ថ្នាក់​ដឹកនាំ​សំខាន់ៗ​របស់​រាជរដ្ឋាភិបាល កម្ពុជា​ជាច្រើនរូប​ទៀត ព្រម​ទាំង​មន្រ្តីកីឡា និង​សិស្ស​រាប់ពាន​នាក់ នាល្ងាច​ថ្ងៃនោះ​ដែរ។