ភ្នំពេញៈ ទិវា​រត់​ប្រណាំង​ភ្នំពេញ​ពាក់​កណ្តាល​ម៉ារ៉ាតុង​អន្តរជាតិ លើក​ទី ៦ ឆ្នាំ ២០១៦ ដែល​បាន​ចាប់ផ្តើម និង​បញ្ចប់​នៅ​ពីមុខ​ព្រះបរមរាជ​វាំង​នៃ​ព្រះរាជា​ណា​ចក្រ​កម្ពុជា កាលពី​ព្រឹកថ្ងៃ​អាទិត្យ ម្សិលមិញ បាន​បញ្ចប់​ដោយ​ជោគ​ជ័យ​ជាមួយ​នឹង​អត្តពលិក​ចូលរួម​សរុប​ជាង ៥ ពាន់​នាក់ ដោយ​មានមក​ពី ២៩ ប្រទេស​ ហើយ​អ្វី​ដែល​ពិសេស​បំផុត​នោះ​គឺកីឡាករ​ Niko ​ជម្រើស​ជាតិ​កម្ពុជា​ ដែល​ត្រៀម​ទៅ​អូឡាំពិក បាន​ទទួល​ចំណាត់​ថ្នាក់លេខ ១ ក្នុងការ​រត់​ចម្ងាយ ២១ គីឡូ​ម៉ែត្រ ខណៈ​ផ្នែកនារី​បាន​ទៅ​កីឡាការិនី​មកពី​អង់គ្លេស។