ភ្នំពេញៈ លោក វ៉ាត់ ចំរើន អគ្គលេខាធិការ​គណៈកម្មា​ធិការ​ជាតិ​អូឡាំពិក​កម្ពុជា (NOCC) បាន​ប្រាប់ និង​ជំរុញ​ឲ្យ​សហព័ន្ធ​កីឡា​ជាតិ និង​សមាគមកីឡា​នានា គួរតែ​ចាប់ផ្តើមធ្វើ​ការ​ជ្រើសរើស​អត្តពលិក​វ័យ​ក្មេង​ដោយ​ខ្លួន​ឯង ដើម្បី​យក​ទៅ​បណ្តុះបណ្តាល​បន្ថែម ត្រៀម​ការ​ប្រកួតស៊ីហ្គេម ឆ្នាំ ២០២៣ ដែល​កម្ពុជា ធ្វើ​ជាម្ចាស់ផ្ទះ ព្រោះផែនការ​សកម្មភាព នឹង​ត្រូវ​ចាប់​ដំណើរ​ការ​នៅ​ឆ្នាំ ២០១៦ ខាងមុខ​។