ភ្នំពេញៈ លោក វ៉ាត់ ចំរើន អនុរដ្ឋ​លេខាធិការ​ក្រសួង​ទេសចរណ៍ និង​ជា​អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា​(NOCC) គ្រោង​បង្កើត​នូវ​ព្រឹត្តិការណ៍​កីឡា​លក្ខណៈ​មហាជន នៅ​ថ្ងៃ​១៤​ខែ​កុម្ភៈ ឲ្យ​ចំ​ថ្ងៃ​ទិវា​នៃ​ក្តីស្រឡាញ់ ដើម្បី​ទាក់ទាញ និង​បង្វែរ​ផ្នត់​គំនិត​របស់​យុវវ័យ​មួយ​ចំនួន ដែល​បាន​កំណត់​ថ្ងៃ​នេះ ជា​ថ្ងៃ​នៃ​ក្តីស្រឡាញ់ ឬ​ហៅ​ថា​ថ្ងៃ​បុណ្យ​សង្សារ​របស់​ពួកគេ រហូត​ហ៊ាន​ប្រព្រឹត្ត​ផ្ទុយ​ពី​ខ្លឹមសារ និង​ផ្ទុយ​ពី​ប្រពៃណី​ទំនៀមទម្លាប់​ដ៏ល្អ​ផូរផង់​របស់​ខ្មែរ​តាំងពី​បុរាណកាល​នោះ​ឲ្យ​ងាក​មក​លេង​កីឡា​ជំនួស​វិញ​។