ភ្នំពេញៈ ក្រោយ​ជ័យជម្នះ​របស់​កីឡាករ មាស សុជាតិ លើ​ថៃ Aram Boy ក្នុងការ​ប្រកួត​វគ្គ​ជម្រុះ​សន្សំ​ពិន្ទុ ដែល​មាន​ភាព​មិន​ប្រក្រតី​នោះ គណៈកម្មការ​របស់​សហព័ន្ធ​កីឡា​ប្រដាល់​គុនខ្មែរ និង​អ្នកគ្រប់គ្រង​កម្មវិធី​ប្រដាល់​នៅ​សង្វៀន SEATV បាន​ឯកភាពគ្នា​ដក មាស សុជាតិ ចេញ​ពីការ​ប្រកួត​ដណ្តើម​ខ្សែក្រវាត់ Barrley Black ទម្ងន់ ៦៥ គីឡូក្រាម និង​ដាក់​ជំនួស​ដោយ ផង់ សុភាព ដើម្បី​បង្ហាញ​ឲ្យ​ឃើញ​នូវ​វិធានការ​អនុវត្ត​បទបញ្ជា​ប្រកួត​ឲ្យ​សុក្រឹត ម៉ឺងមាត់ និង​បញ្ជាក់​ពីភាព​ស្អាតស្អំ​នៃការ​រៀបចំ​ទៅ​ដល់​មហាជន។