.jpg)
កីឡាការិនីវាយកូនបាល់មានចំណាត់ថ្នាក់លេខ ៤ ក្នុងពិភពលោក Elina Svitolina បានស្តីបន្ទោសទៅលើការរងរបួសចង្កេះ សម្រាប់ការធ្លាក់ចេញដ៏អាម៉ាស់ក្រោមស្នាដៃកីឡាការិនី Elise Mertens ក្នុងព្រឹត្តិការណ៍ Australian Open កាលពីថ្ងៃអង្គារ។
កីឡាការិនីសញ្ជាតិអ៊ុយក្រែនរូបនេះ បានបញ្ចប់ការឈ្នះជាប់ៗគ្នារបស់នាងត្រឹម ៩ ប្រកួត ក្រោយពីចាញ់ក្នុងលទ្ធផល ៦-៤ និង៦-០ ក្រោមស្នាដៃកីឡាការិនី Mertens របស់បែលហ្ស៊ិក នៅលើទីលាន Rod Laver Arena។
Svitolina ដែលបានប្រជែងដើម្បីឈានទៅវគ្គពាក់កណ្តាលផ្តាច់ព្រ័ត្រនៃកម្មវិធី Grand Slam ជាលើកទី ១ នោះ បានឲ្យដឹងថា៖ «នៅថ្ងៃនេះ វាពិតជាលំបាកណាស់សម្រាប់ខ្ញុំផ្នែកកាយសម្បាទា»៕
Dimitrov សង្ឃឹមអាចស្តារមុខមាត់វិញ ក្រោយធ្លាក់ពី Australian Open
កីឡាករវាយកូនបាល់ Grigor Dimitrov បញ្ជាក់ថា រូបគេត្រូវតែស្វែងរកទម្រង់លេងដ៏ល្អរបស់គេត្រឡប់មកវិញ ក្រោយពីធ្លាក់ចេញយ៉ាងខកចិត្តពីព្រឹត្តិការណ៍ Australian Open ក្រោមស្នាដៃកីឡាករចក្រភពអង់គ្លេស Kyle Edmund ក្នុងវគ្គ ១/៤ ផ្តាច់ព្រ័ត្រ កាលពីថ្ងៃអង្គារ។
កីឡាករមានចំណាត់ថ្នាក់លេខ ៣ ក្នុងពិភពលោកសញ្ជាតិប៊ុលហ្គារីរូបនេះ បានរងបរាជ័យក្នុងលទ្ធផល ៦-៤ ៣-៦ ៦-៣ និង៦-៤ ក្រោមស្នាដៃកីឡាករ Edmund ហើយនិងអវត្តមានក្នុងយុទ្ធនាការ Grand Slam ជាលើកទី ៣០ របស់គេម្តងទៀត។
Dimitrov វ័យ ២៦ ឆ្នាំ បានរងបរាជ័យក្រោមស្នាដៃកីឡាករ Rafael Nadal ក្នុងការប្រកួត ៥ សិត ក្នុងវគ្គពាក់កណ្តាលផ្តាច់ព្រ័ត្រ កាលពីឆ្នាំមុន និងមិនធ្លាប់បានឆ្លងផុតវគ្គ ៤ នាក់ចុងក្រោយសោះក្នុងកម្មវិធី Grand Slam។
Dimitrov បានប្រាប់សន្និសីទសារព័ត៌មានបន្ទាប់ពីការប្រកួតថា៖ «វាពិតជាលំបាកណាស់ក្នុងការលាក់បាំងការខកចិត្ត។ វាពិតជាឈឺចាប់ ប៉ុន្តែ ខ្ញុំនឹងព្យាយាមស្វែងរកទម្រង់លេងដ៏ល្អមកវិញ»៕
