កីឡាការិនី Lindsey Vonn បានសម្រេចចិត្តបញ្ចប់អាជីពជិះស្គីចុះជម្រាលភ្នំក្នុងអូឡាំពិករបស់នាង ក្រោយពីបានឈ្នះមេដាយសំរឹទ្ធកាលពីថ្ងៃពុធ តាមរយៈការបញ្ជាក់ថា «ការឈឺចុកចាប់លើរាងកាយ» របស់នាង មិនអនុញ្ញាតឲ្យនាងប្រកួតក្នុងអូឡាំពិក ទីក្រុងប៉េកាំង រយៈពេល ៤ ឆ្នាំទៀតឡើយ។
ក្រោយពីបានបញ្ចប់ក្នុងចំណាត់ថ្នាក់លេខ ៣ បន្ទាប់ពីម្ចាស់ជយលាភីសញ្ជាតិអ៊ីតាលី Sofia Goggia និងម្ចាស់មេដាយប្រាក់ Ragnhild Mowinckel របស់ន័រវែស Vonn បានប្រាកាសថា នេះគឺជាការប្រកួតជិះស្គីចុះជម្រាលភ្នំក្នុងព្រឹត្តិការណ៍អូឡាំពិកជាលើកចុងក្រោយរបស់នាង។
ក្រោយពីបានបង្ហាញខ្លួនជាលើកទី ១ ក្នុងវ័យ ១៧ ឆ្នាំ អូឡាំពិកទីក្រុង Lake City ឆ្នាំ ២០០២ Vonn បានជួបបញ្ហារបួសមួយដែលបានរំខានដល់ឱកាសរបស់នាងក្នុងទីក្រុង Turin ក្នុងរយៈពេល ៤ ឆ្នាំក្រោយ មុននឹងឈ្នះមេដាយមាស និងសំរឹទ្ធក្នុងក្រុង Vancouver កាលពីឆ្នាំ ២០១០៕