ភ្នំពេញៈ ផ្ទុយពី​សម្ដី​បដិសេធ​រឿង​ភ្ជាប់​ពាក្យ​មុន​នោះ​ក្រោយ​ពីមាន​ការ​បែក​ធ្លាយ​រូបថត​អុជ​ធូប​សំពះ​ជាមួយ​នារី​រូប​ស្រស់ និង​ថាស​ជំនូន​បណ្ដាការ​ត្រៀបត្រា ទីបំផុត​តារា​ចម្រៀង​ប្រុស​រូប​សង្ហា អ្នក​ចាត់ការ​ទូទៅ​ថ្មី​របស់​ផលិតកម្ម​ថោន​លោក ករុណា ពេជ្រ បាន​ទទួល​ស្គាល់​ថា លោក​ពិត​ជាមាន​នារី​ម្ចាស់​បេះដូង​ក្រៅ​រង្វង់​សិល្បៈ ហើយ​គ្រោង​នឹង​រៀបចំ​ពិធី​ធំដុំ​ចូលស្តី​ដណ្តឹង និងអាច​បញ្ចប់​ភាព​នៅលីវ​ក្រោយ​កំណត់​ពេលា​រៀបការ​បាន។