ភ្នំពេញ: កាល​ពី​រសៀល​ថ្ងៃទី ២៤ ខែ​តុលា ព័ត៌មាន​ស្រាប់​តែ​ផ្ទុះ​ឡើង​ថា អតីត​អ្នក​ចម្រៀង អ្នកនាង អ៊ុំ គន្ធា ត្រូវ​បាន​កង​កម្លាំង​នៃ​គណៈបញ្ជាការ​ឯកភាព​ខណ្ឌ​ឫស្សីកែវ ចាប់​ឃាត់ខ្លួន និង​នាំ​យក​ទៅ​ធ្វើការ​សាកសួរ​ពាក់ព័ន្ធ​នឹង​ករណី​ប្រើប្រាស់​គ្រឿង​ញៀន។ ខណៈ​បណ្តាញ​សង្គម ដែល​មាន​ផ្សព្វផ្សាយ​ភ្ជាប់​នឹង​រូបភាព​កម្លាំង​សមត្ថកិច្ច​នាំខ្លួន​អតីត​តារា​ចម្រៀង ដែល​កំពុង​តែ​ញាំញី​ដោយ​រោគ​សង្គម អ្នកនាង អ៊ុំ គន្ធា ក្រៅ​ពីការ​ពោល​ដោយ​ក្តី​អាណិត​អាសូរ​ថា ហេតុអ្វី​បំផ្លាញ​ខ្លួនឯង និង​អនាគត​កូន​ផ្ទួនៗ​នោះ។