ភ្នំពេញ: នៅក្នុងតំបន់ឧស្សាហកម្មរាជធានីភ្នំពេញ ឯភាគខាងជើងស្ពានជ្រោយចង្វារលោក ម៉ាក និង ចេហ្វហ្វើរសុន ហ៊ួង បានសាងសង់វិមានមួយសម្រាប់ក្រុមវិចិត្រករ និងសម្រាប់អ្នកចូលរួមបង្ហាញស្នាដៃសិល្បៈដែលធ្លាប់តែស្ទាក់ស្ទើរ។
The Art Bar ដែលទោះបីជាឈ្មោះបែបនេះតែមិនមែនជាបារ៍ពិតប្រាកដក្ដីស្ថិតក្នុងឃ្លាំងរចនាថ្មីសន្លាងនៅលើវិថីលេខ ៤៥។ ដោយឆ្លងកាត់ចំណតឡាន និងតាមច្រកផ្លូវឌឿង ហែម ភ្ញៀវនឹងបានឃើញបន្ទប់ដែលមានបង្អួចស្រោបកញ្ចប់ពីកម្រាលដល់ពិតាន និងក្រណាត់ត្រៀមរង់ចាំការផាត់ពណ៌។
បងប្អូនប្រុសជាតិហ្វីលីពីន ២ នាក់ មកពីឧស្សាហកម្មភាពយន្ដ ជាមួយចេហ្វ ជាជាងគំនូរ និងវិចិត្រករតាមដងផ្លូវ ហើយ ម៉ាក ជាអ្នកជំនួញដែលគ្រប់គ្រងរោងចក្រកាត់ដេរ។
លោក ម៉ាក បាននិយាយថា៖ «ខ្ញុំមិនមែនជាវិចិត្រករទេខ្ញុំមិនធ្លាប់គិតថាខ្លួនអាចគូរបានទេក្នុងឆាកជីវិតនេះ។ ប៉ុន្ដែ សកម្មភាពដែលយើងកំពុងបង្ហាញនេះ គឺជាវិធីផ្សារភ្ជាប់គម្លាតរវាងអ្នកចូលចិត្ដ ដូចជារូបខ្ញុំ និងពិភពសិល្បៈ»។
សម្រាប់លោក ចេហ្វ ដែលជាគ្រូម្នាក់ក្នុងចំណោមពីរនាក់នៅ The Art Bar រួមជាមួយវិចិត្រករតាមដងផ្លូវ ដានីញែល អ៊ូ ដែលគេស្គាល់ថាជាកូនប្រុសរបស់តារាកំប្លែងល្បី នាយក្រឹម នោះ គោលបំណងរបស់ពួកគេគឺចង់លុបបំបាត់នូវរនាំងឧបសគ្គក្នុងដួងចិត្ដមនុស្សភាគច្រើន។
ខណៈសកម្មភាពចម្បងគឺ «វគ្គបណ្ដុះបណ្ដាល Sip ''n Paint» ដែលអ្នកចូលរួមរៀនមូលដ្ឋានគ្រឹះ The Art Bar ជាទីកន្លែងសម្រាប់អ្នកសិល្បៈជំនាញ ឬអ្នកដែលប្រាថ្នាដំឡើងកម្រិតថ្នាក់បឋម។
The Art Bar បានផ្ដល់នូវតម្លៃសមរម្យសម្រាប់វិចិត្រករក្នុងស្រុកតែ ៤៩ ដុល្លារក្នុងមួយខែដោយមិនរាប់បញ្ចូលសម្ភារ និងបើកថ្នាក់សម្រាប់អ្នកចង់មកចូលរួមវគ្គពិសេសជាមួយ អ្នកជំនាញ។ ក្រណាត់មួយផ្ទាំងធំតម្លៃ ១០០ ដុល្លាររួមទាំងការផាត់ពណ៌ ហើយវិចិត្រករអាចវិលវិញពេលណាតាមចិត្ដចង់ដើម្បីបង្ហើយគម្រោងរបស់ខ្លួន។
វគ្គសិក្សា «Sip ''n Paint» នេះមានតម្លៃ ២៥ ដុល្លារម្នាក់សម្រាប់រយៈពេលរៀន ២ ម៉ោង។ នៅមានវគ្គសិក្សាលើសេរ៉ាម៉ិច និង ថតរូប ក៏ស្ថិតក្នុងគម្រោងនាពេលខាងមុខនៃ The Art Bar ផងដែរ។
ប៉ុន្ដែសម្រាប់ពេលបច្ចុប្បន្នវាជាទីកន្លែងមួយសម្រាប់អ្នកថ្មីមករៀន និងជាមជ្ឈមណ្ឌលដ៏មានសក្ដានុពលសម្រាប់អ្នកមានទេពកោសល្យ ខណៈក្រុងភ្នំពេញខ្សត់ស្ទូឌីយោធំ។
The Art Bar ស្ថិតនៅផ្ទះលេខ ២២៥ ផ្លូវ ៤៥ បើកទ្វាររៀងរាល់ថ្ងៃចាប់ពីម៉ោង ១០ ព្រឹកដល់ម៉ោង ៩ យប់ ដោយទទួលការកក់អនឡាញលើវេបសាយ theartbarkh.com ឬទូរស័ព្ទ ០៨៨ ៥២៩ ៩១ ៨៨ (ភាសាខ្មែរ និងអង់គ្លេស)៕
James Reddick