.jpg)
គូស្នេហ៍នារីថៃ និងបុរសអង់គ្លេស ក្នុងចំណោមប្ដីប្រពន្ធ ២០០ គូទៀតដែលមកចុះសំបុត្រអាពាហ៍ពិពាហ៍។ រូបថត AFP
ក្រុងបាងកក : យ៉ាងហោចណាស់មាន គូស្នេហ៍ចំនួន ២០០ គូបានរៀបការនៅការិយាល័យអគារប្រៃសណីយ៍ ស្រុក បាងរ៉ាក់ ចំថ្ងៃទី ១៤ ខែកុម្ភៈ ជាទិវានៃក្ដីស្រឡាញ់ ម្សិលមិញនេះ។
ទិវានៃក្ដីស្រឡាញ់ឆ្នាំនេះ គឺជាថ្ងៃដ៏មមាញឹកប្រចាំឆ្នាំ នៅស្រុក បាងរ៉ាក់ (ស្រុក ភូមិស្នេហ៍ ឬ Love Village ជាភាសាអង់គ្លេស) ខណៈដែលមន្ត្រីរដ្ឋបាលស្រុក បានរៀបចំកម្មវិធីចុះសំបុត្រអាពាហ៍ពិពាហ៍ នៅអគារប្រៃសណីយ៍កណ្ដាល ដ៏ធំទូលាយ ដើម្បីស្វាគមន៍គូស្នេហ៍ដ៏ច្រើនសន្ធឹក។
ក្នុងចំណោមគូស្នេហ៍ទាំងនេះ អ្នកដែលមានសំណាងនឹងត្រូវបានចាប់សន្លឹកឆ្នោតទទួលបានសំបុត្រអាពាហ៍ពិពាហ៍មាសផងដែរ។
កាលពីម្សិលមិញ គូស្នេហ៍ដំបូង ដែលត្រូវបានចុះសំបុត្រអាពាហ៍ពិពាហ៍គឺ ប្ដីប្រពន្ធឈ្មោះ Praiwan Kwannak និង Sukanya Khamdee។
គូស្នេហ៍ដូចលលកញីឈ្មោលនេះ បានធ្វើដំណើរដ៏វែងឆ្ងាយតាំងពីខេត្តអាយុធ្យា ហើយពួកគេបានបោះតង់ស្នាក់នៅបរិវេណជុំវិញអគារការិយាល័យរដ្ឋបាលតាំងពីម៉ោង ១១ កន្លះអាធ្រាត្រ ដើម្បីបានក្លាយជាគូស្នេហ៍ដំបូងបំផុតនៃទិវានៃក្ដីស្រឡាញ់ ឆ្នាំ ២០១៨ នេះ។
ការតស៊ូដ៏នឿយហត់របស់អ្នកទាំងពីរ បានធ្វើឲ្យមនុស្សជុំវិញខ្លួនចំអន់ឲ្យថា «ខំប្រឹងតម្រង់ជួររៀបការម្លឹងៗ តិចអស់កម្លាំងនឹងធ្វើកិច្ចការសំខាន់យប់ហ្នឹង ក្រោយពីចុះអេតាស៊ីវិលរួច»៕
គូស្នេហ៍ជនជាតិថៃនាំគ្នាថតរូបអនុស្សាវរីយ៍ថ្ងៃមកចុះសំបុត្រអាពាហ៍ពិពាហ៍ ១៤ កុម្ភៈ។ រូបថត AFP
ប្ដីប្រពន្ធបង្ហាញសំបុត្រអាពាហ៍ពិពាហ៍ ដែលត្រូវបានចុះនៅស្រុក បាងរ៉ាក់ ឬ ស្រុក ភូមិស្នេហ៍។ រូបថត AFP
គូស្នេហ៍ជនជាតិថៃនាំគ្នាថតរូបអនុស្សាវរីយ៍ថ្ងៃមកចុះសំបុត្រអាពាហ៍ពិពាហ៍ ១៤ កុម្ភៈ។ រូបថត AFP
គូស្នេហ៍វ័យចំណាស់ ថើបគ្នាទាំងក្ដីរំភើប ក្រោយពីចុះសំបុត្រអាពាហ៍ពិពាហ៍រួច។ រូបថត AFP
គូស្នេហ៍អង្គុយរង់ចាំដល់វេនរបស់ខ្លួនក្នុងការចុះសំបុត្រអាពាហ៍ពិពាហ៍ ១៤ កុម្ភៈ។ រូបថត AFP
