​ចុង​ឆ្នាំ ២០១៧ ​ តារា​ប្រុស យិត មាស​ឧស្សាហ៍ ទម្លាយ​សារ​រឿង​គូស្នេហ៍​មិន​ទាន់​រៀបការ​ មាន​គភ៌​ ​

ភ្នំពេញៈ នាដំណាច់ឆ្នាំ ២០១៧ នេះ ស្រាប់តែតារាសម្តែងប្រុសដែលមានរាសីកំពុងតែឡើងខ្លាំងលោក យិត មាសឧស្សាហ៍ មានឈ្មោះហៅក្រៅថា Edwin Sun បង្ហោះសារបែបទម្លាយការពិតរឿងគូស្នេហ៍មិនទាន់រៀបការរបស់ខ្លួន មានគភ៌ បង្កការភ្ញាក់ផ្អើលដល់មហាជនមួយចំនួនយ៉ាងខ្លាំង។

តារាសម្តែងប្រុសមានរូបស្អាតសង្ហា កំពុងតែកាក់កបខ្លាំងក្នុងការក្តាប់បានឱកាសក្លាយជាតួឯកប្រុសភាគច្រើនជាកុនភាគ និងទើបតែសម្ពោធកុនដុំថ្មីៗរឿង «មនុស្សឆ្គួត» លោក យិត មាសឧស្សាហ៍ បានសរសេរទម្លាយការពិតខ្លួនថា៖ «អរគុណ ១ ឆ្នាំដែលមនុស្សស្រីម្នាក់បានផ្តល់នៅការស្រលាញ់ ភាពកក់ក្តៅ ភាពអត់ឱន លើកលែងទោស នឹងអធ្យាស្រ័យ យល់ពីខ្ញុំគ្រប់យ៉ាង មិនថាខ្ញុំខុស ខ្ញុំអាក្រក់យ៉ាងណា នាងនៅតែ អធ្យាស្រ័យដល់ខ្ញុំ នាងហត់ហើយដែលរយៈពេលមួយឆ្នាំជាសង្សាខ្ញុំ តែពេលនេះចង់និយាយថា អូនលែងជាសង្សាបងទៀតហើយ បងសុំប្តូរមកនាមជា ប្រពន្ធ បានទេ រីករាយថ្ងៃគំរប់ខួប ១ ឆ្នាំដែលពួកយើងស្រលាញ់គ្នា នឹងជាថ្ងៃដែលអូនបានផ្តល់កាដូដ៏ធំបំផុតចុងឆ្នាំសម្រាប់បងនៅឆ្នាំថ្មីនេះ ពាក្យថាប៉ាប៉ា បងសប្បាយចិត្តណាស់ដឹងទេ រកអ្វីមកនិយាយមិនស្មើ។ អរគុណមែនទែនប្រពន្ធសម្លាញ់ បងស្រលាញ់អូនណា តែពេលនេះស្រលាញ់កូនជាងហើយណា ហាហា Mary Rina # ប្រពន្ធសម្លាញ់»។

គួរបញ្ជាក់ថា លោក យិត មាសឧស្សាហ៏ តារាសម្តែងប្រុសរលកក្រោយកំពុងតែស្រូបបានការគាំទ្រពីមហាជនច្រើនតាមរយៈភាពយន្តភាគនានាមានដូចជារឿង «ម្ទេសហឹរប៉ះអំបិលប្រៃ» រឿង«មន្តស្នេហ៍ក្រមុំបាយឆា» ចាក់បញ្ចាំងនៅទូរទស្សន៍ប៉ុស្តិ៍ PNN រឿង«ហង្សបាក់ស្លាប» និងរឿង «កូនក្រមុំលោកមេឃុំ» ចាក់បញ្ចាំងនៅទូរទស្សន៍ប៉ុស្តិ៍លេខ ៥ និងតួប្រុសក្នុងរឿង «ទឹកចិត្តម្តាយសម័យថ្មី» របស់ទូរទស្សន៍ថោន និងអតីតជាបេក្ខជនតំណាងឲ្យប្រទេសកម្ពុជា ដែល បានចូលរួមក្នុងកម្មវិធីប្រកួតប្រជែងបុរសរូបសង្ហាប្រចាំអាស៊ី ឬហៅថា « Mr . Asia 2014 » នៅទី ក្រុងហុងកុង ប្រទេសចិន នោះបានជាប់ជាតារាញញឹមស្រស់ជាងគេទទួលបានពានរង្វាន់ «Mr. Smiley Award in Mister Asia Contest 2014 »៕

ចុងឆ្នាំ ២០១៧ តារាប្រុស យិត មាសឧស្សាហ៍ ទម្លាយសាររឿងគូស្នេហ៍មិនទាន់រៀបការ មានគភ៌

ព័ត៌មានថ្មីៗ

វីដេអូ