.jpg)
ក្រុងមូស្គូ: វិចិត្រករក្រុងមូស្គូ អេវហ្គេនី ឆេស គឺជាវិចិត្រករគំនូរលើជញ្ជាំងដែលចូលចិត្ដបង្កើតស្នាដៃ «សេឡូហ្គាហ្វីទី» ដែលជំនាញគូរលើថង់ប្លាស្ទីកថ្លាដែលរុំព័ទ្ធដើមឈើពីរដើម។
លោកបានប្រើក្រដាសគំនូរជាថង់ប្លាស្ទីកថ្លានេះ ដើម្បីនាំយកស្ទីលគំនូរផ្ទាល់ខ្លួនទៅកាន់ពិភពធម្មជាតិពិតៗ។
លោក ឆេស បាននិយាយនៅក្នុងវីដេអូឃ្លីបថា៖ «សិល្បៈប្រភេទថ្មីនេះ ធ្វើឲ្យខ្ញុំចាប់អារម្មណ៍យ៉ាងខ្លាំង នៅពេលសិល្បៈតាមដងផ្លូវប្រែមកជាបរិស្ថានធម្មជាតិវិញ»។
ដោយសារស្នាដៃគំនូរទាំងនេះត្រូវបានតាំងបង្ហាញជាវត្ថុក្រៅធម្មជាតិ មានការបារម្ភអំពីផលប៉ះពាល់របស់វាទៅលើបរិស្ថាន។ តែលោក ឆេស បានប្រាប់ HuffPost ថា លោកនឹងសម្អាតឲ្យបានស្អាតគ្រប់យ៉ាងពេលគម្រោងត្រូវបានបញ្ចប់ ដោយគ្មានបន្សល់ស្លាកស្នាមអ្វីឡើយ។
លោកអ្នកអាចចូលមើលស្នាដៃសេឡូហ្គាហ្វីទី ជាច្រើនទៀតរបស់វិចិត្រកររុស្ស៊ីរូបនេះនៅលើបណ្ដាញសង្គមហ្វេសប៊ុក (ches_ches )៕ HR
