Search form

Login - Register | FOLLOW US ON

Logo of Phnom Penh Post newspaper Phnom Penh Post - ជប៉ុន​សម្ពោធ​រថយន្ត​ក្រុង​ ​អាច​បរ​លើ​ទឹក​ត្រៀម​អូឡាំពិក​រដូវក្ដៅ

Content image - Phnom Penh Post
រថយន្ត​ក្រុង​ដឹក​ភ្ញៀវលើ​ទឹក​គយគន់​ទេសភាព ភ្នំ​ទឹកកក​ដ៏​ល្បីល្បាញ​នៅ​ប្រទេស​ជប៉ុន​។

ជប៉ុន​សម្ពោធ​រថយន្ត​ក្រុង​ ​អាច​បរ​លើ​ទឹក​ត្រៀម​អូឡាំពិក​រដូវក្ដៅ

ក្រុងតូក្យូ: ដំណើរ​កម្សាន្ដ​របស់​រថយន្ដ​ក្រុង​នាវា​លើ​ឆក​តូក្យូ​ត្រូវ​បាន​បើក​សម្ពោធ​កាល​ពី​សប្ដាហ៍​មុន​ដើម្បី​ដឹក​ភ្ញៀវទេសចរ​បរទេស​ដ៏​ច្រើន​សន្ធឹក​មក​កាន់​ទីក្រុង​មុន​ព្រឹត្តិការណ៍​អូឡាំពិក​រដូវ​ក្ដៅ ឆ្នាំ ២០២០ ចាប់ផ្ដើម។

ក្រុមហ៊ុន Fuji Kyuko Co. កំពុង​ដំណើរ​ការ​រថយន្ដ​ក្រុង​ប្រវែង ១២ ម៉ែត្រ​ឈ្មោះ​តូក្យូណូ កាបា (ដំរីទឹក​តូ​ក្យូ) បើកបរ​លើ​ផ្ទៃ​ទឹក ដែល​នាំ​ភ្ញៀវ​កម្សាន្ដ​ក្រោម​ស្ពាន​ឥន្ទធនូ ដែល​លាត​សន្ធឹង​ផ្នែក​ខ្លះ​នៃ​ឆក​តូក្យូ ក្រោយ​ពី​គយ​គន់​អគារ​ខ្ពស់ៗ​ក្នុង​ខណ្ឌ​អូដៃបា។

ឡានក្រុង​មាន​កៅអី​សម្រាប់​ភ្ញៀវ ៣៨ នាក់ និង​ផ្ដល់​ព័ត៌មាន​ទេសចរណ៍​ជា​ភាសា​អង់គ្លេស ចិន កូរ៉េ ថៃ និង​ឥណ្ឌូនេស៊ី។ វា​ត្រូវ​បាន​រចនា​ឡើង​ដោយ អៃ​ជី មីតូកា ដែល​មាន​ការ​ល្បីល្បាញ​ខាង​ឌីហ្សាញ​រថភ្លើង និង​ពាណិជ្ជកម្ម​ផ្សេងៗ រួមទាំង Seven Stars ប្រណីត​ក្នុង​រថភ្លើង Kyushu ដំណើរការ​ដោយ​ក្រុមហ៊ុន Kyushu Railway Co.។

Fuji Kyuko បាន​នាំ​ភ្ញៀវ​កម្សាន្ដ​រយៈពេល ៤៥ នាទី ៧ ដង​ក្នុង​មួយ​ថ្ងៃ និង ៦ ថ្ងៃ​ក្នុង​មួយ​សប្ដាហ៍។

សំបុត្រ​មាន​តម្លៃ ៣៥០០ យ៉េន (៥២៨ ដុល្លារ) សម្រាប់​មនុស្ស​ពេញ​វ័យ និង ១៧០០ យ៉េន​សម្រាប់​កុមារ​អាយុ​ចាប់​ពី ៤ ឆ្នាំ ហើយ ៥០០ យ៉េន​សម្រាប់​កុមារ​អាយុ​ក្រោម ៤ ឆ្នាំ។ ក្រុមហ៊ុន​គ្រោង​ទទួល​ភ្ញៀវ ៦ ម៉ឺន​នាក់​ក្នុង​មួយ​ឆ្នាំ។

Content image - Phnom Penh Post
រថយន្តក្រុង​ជិះ​លើទឹក​នាំ​ភ្ញៀវ​គយ​គន់​ទេសភាព​ទីក្រុង​ស៊ីវិល័យ​។

អគ្គនាយក​ក្រុមហ៊ុន លោក កូអ៊ីឈីរ៉ុ ហូរុយឈិ បាន​ថ្លែង​អំឡុង​ពេល​សម្ពោធ​រថយន្ដ​ក្រុង​នាវា​កាល​ពី​ថ្ងៃ​ទី ២៧ ខែ​វិច្ឆិកា ថា៖ «ខ្ញុំ​ចង់​ឲ្យ​ភ្ញៀវ​ជាច្រើន​បាន​ទទួល​នូវ​បទពិសោធ​ដ៏គួរ​ឲ្យ​ភ្ញាក់ផ្អើល​នៃ​រថយន្ដ​ក្រុង​នាវា និង​រីករាយ​ដំណើរ​កម្សាន្ដ​លើ​ផ្ទៃ​ទឹក​ក្រុង​តូក្យូ»។

ក្រុមហ៊ុន Hinomaru Jidousya Kougyo Co. ផ្ដល់នូវ​ដំណើរ​កម្សាន្ដ​រថយន្ដ​ក្រុង​ស្រដៀង​គ្នា​នេះ​ក្នុង​តំបន់​ផងដែរ។ លើស​ពី​នេះ ដោយ​សារ​តែ​វា​អាច​បរ​លើ​គោក និង​លើ​ផ្ទៃ​ទឹក ភ្ញៀវ​ប្រាកដ​ជា​រីករាយ​ក្នុងការ​គយគន់​ទេសភាព​រវាង​ធម្មជាតិ និង ​ទីក្រុង​ស៊ីវិល័យ​ទាំង​លើ​គោក និង​ក្នុង​ទឹក។

នៅលើ​ដីគោក ដំណើរ​កម្សាន្ដ​ឆ្លងកាត់​កង់​បង្វិល​យក្ស និង​ចម្លាក់​សេរីភាព ខណៈ​នៅ​លើ​ផ្ទៃ​ទឹក ភ្ញៀវ​ទស្សនា​គន់​ទិដ្ឋភាព​អគារ​ស្កឹមស្កៃ​នៃ​ក្រុង​តូក្យូ។

ការ​ឌីហ្សាញ​រថយន្ដ​ក្រុង​ដ៏​ទាក់ទាញ ដែល​ពេញ​ទៅ​ដោយ​វត្ដមាន​ប្រព័ន្ធ​សំឡេង 3D គុណភាព​ខ្ពស់​ត្រូវ​បាន​រចនា​ឡើង​ដោយ​អ្នក​ជំនាញ មីតុ អូកា ស៊ូហ្គូ ជើងឯក​ឌីហ្សាញ​សត្វ​រស់​នៅ​លើ​គោក និង​ក្នុង​ទឹក ជា​សត្វ​ដំរីទឹក៕HR

Content image - Phnom Penh Post
រថយន្ត​ដឹក​ភ្ញៀវ​គយគន់​កង​បង្វិល ឬ​កន្ត្រក​យក្ស​​នៅ​ទីក្រុង​តូក្យូ​។

0

Comments

Please, login or register to post a comment