Search form

Login - Register | FOLLOW US ON

Logo of Phnom Penh Post newspaper Phnom Penh Post - ជិតដល់​ថ្ងៃ​រៀបការ សុគន្ធ នីសា រំឭករឿងហែលឆ្លងឧបសគ្គ

Content image - Phnom Penh Post
តារាចម្រៀង សុគន្ធ នីសា ក្នុង​ឈុត​កូនក្រមុំ​ថត​ឲ្យសម្អាងការ និង​រូបពេល​នាង​ត្រៀម​ខ្លួន​ឡើង​ឆាកតន្ត្រី។ រូបថត ស៊ូ វុទ្ធី

ជិតដល់​ថ្ងៃ​រៀបការ សុគន្ធ នីសា រំឭករឿងហែលឆ្លងឧបសគ្គ

ភ្នំពេញ: ក្នុង​ដំណើរ​ជីវិត​ជោគជ័យ​លើ​វិថី​សិល្បៈ​ចម្រៀង​ជាង​មួយ​ទសវត្ស​រ៍​មកនេះ ឆ្នាំ ២០១៧ នេះ ជា​វេលា តារា​ចម្រៀង សុគន្ធ នីសា បញ្ចប់​អាថ៌កំបាំង​ជីវិត​ឯកជន ដោយថ្មីៗ​​កញ្ញា​បាន​ប្រកាសតាម​កញ្ចក់ទូរទស្សន៍​ប្រចាំ​ទ្រនំ​របស់ខ្លួន នូវ​​ពិធី​ក្រាប​ផ្ទឹម​ជាមួយនឹង​គូស្នេហ៍​ ទាំង​នាង​បានអះអាង​ថា ត្រឹម​តែ​ជាបុរស​ដ៏សាមញ្ញ​ម្នាក់ មិនមែន​ជា​មន្ត្រី​ធំ ឬ​ឧកញ៉ា​​ទ្រព្យស្ដុក​ដូច​ដែលគេ​ល្បី​​កន្លង​មក​នោះឡើយ​។

ខណៈដែល​អតីត​គូស្នេហ៍​​​​តារាចម្រៀងស្រគត់ស្រគំ​​ សុគន្ធ នីសា គឺ​ កវី សុខ ជំនោរ ក៏​ប្រកាស​​ពិធី​ក្រាប​ផ្ទឹម​ជាមួយ​ម្ចាស់ស្នេហ៍​ថ្មី​​មិន​ឲ្យ​ផុត​ចុងឆ្នាំ​នេះដែរ ក្រោយ​​​ភ្ជាប់ពាក្យ​ជាមួយ​នារី​​ក្មេង​រូបឆោម​​​ស្រស់​សោភា​ជា​បុគ្គលិក​ធនាគារ​នោះ ស្រាប់តែ​​កញ្ញា​ សុគន្ធ នីសា ឯណេះ​វិញ ទោះបី​ជា​រូបនាង​​កំពុង​ត្រៀមខ្លួន​ធ្វើ​កូនក្រមុំ​ជាមួយ​កូនកម្លោះ​ជា​​អាណិកជន​អាមេរិក តែ​កញ្ញា​បែរ​ជា​បង្ហោះ​សារប្លែកៗ ដែល​ក្នុង​អត្ថន័យ​ហាក់​បង្ហាញ​ការសោកស្តាយ​លើ​ការសម្រេចចិត្ត​ចុងក្រោយ​នេះ។

ជាថ្មី នៅ​ព្រឹក​ថ្ងៃទី១៤ ខែវិច្ឆិកា​នេះ នៅលើ​គណនី​ហ្វេ​ស​ប៊ុ​ក តារាចម្រៀង សុគន្ធ នីសា នាង​ក៏បាន​បង្ហោះ​សារ ទាំង​អត្ថន័យ​នោះ​ហាក់​បង្ហាញ​ពី​ការ​លួង​ចិត្ត​ខ្លួនឯង ចំពោះ​ដំណើរ​ជីវិត​ដែល​កំពុង​ប្រព្រឹត្ត​ទៅរក​ដំណាក់កាល​​​​មួយ​ដែល​មិនអាច​ប្រកែក​បាន ហើយក៏​ជាការ​ជ្រើស​ដោយ​ខ្លួនឯង ទាំង​ដឹងថា​ពិ​ត​​យ៉ាងណា​ក៏​ត្រូវ​​តែ​ប្រឹង។

ក្នុងសារ​នោះ តារាចម្រៀង​ហង្សមាស ​រូបនាងបាន​​រៀបរាប់ថា៖​ «ផ្លូវ​ទៅ​គោលដៅ​ពិត គឺ​ត្រូវតែ​ឆ្លងកាត់​ឧបសគ្គ​ច្រើន អ្វីដែល​បាន មក​ដោយ​ស្រួល​ច្រើនតែ​មិនមែនជា​ការពិត»។

Content image - Phnom Penh Post
តារាចម្រៀង សុគន្ធ នីសា ចូលរួមកម្មវិធីសម្ពោធ​ផលិតផល​កន្លងមក។ ហុង មិនា

តារាចម្រៀង​កំពុង​ត្រៀមខ្លួន​ធ្វើ​កូនក្រមុំ​​ក្រាប​ផ្ទឹម​ទទួលយក​ចំណងស្នេហា​ពិតជា​មួយ​បុរស​អាណិកជន​ខ្មែរ​នៅ​ខែ​ធ្នូ​ខាង​មុខ​នេះ កញ្ញា​​បានប្រកាស​ទៀតថា៖ «សុខចិត្ត​ដើរ​ផ្លូវ​ដែលមាន​ឧបសគ្គ​ច្រើន ប្រសើរ​ជាង​ដើរ​ផ្លូវ​គ្មាន​​ឧបសគ្គ តែ​គ្មាន​គោលដៅ​ពិត​ឲ្យទៅដល់»។

ជុំវិញ​ការ​បង្ហោះសារ​ប្លែកៗ​បែប​លួង​ចិត្ត​ខ្លួន​ឯង​នេះ​ ពុំ​មានការ​បក​ស្រាយ​បញ្ជាក់ពីអត្ថន័យ​ផ្ទាល់​ពី​សាមី​ខ្លួន​គឺ​កញ្ញា​ សុគន្ធ នីសា​ ឡើយ ខណៈ​​តារាចម្រៀង​ស្រី​រូបនេះ​ហាក់​ផ្ដាច់ខ្លួន​ពីការ​ផ្ដល់បទសម្ភាស​ជុំវិញ​ជីវិត​ឯកជន​របស់នាង​តែម្ដង។​

យ៉ាងណា​តាម​ការបង្ហាញ​នេះ ក៏​ត្រូវបាន​អ្នកគាំទ្រ​នាង​ជាច្រើន លើកឡើងថា «តារាចម្រៀង សុគន្ធ នីសា គឺ​នាង​ចង់​បង្ហាញ​​ទៅ​សាធារណជន​ថា​ មុន​ពេល​នាង​ដើរ​ដល់​ចំណុច​ជោគជ័យ​តែងតែ​ជូ​ប​ឧបសគ្គ មិន​ថា​រឿង​ស្នេហា ឬ​ក៏​​ការងារ​សិល្បៈ​របស់​នាង​ក៏ដោយ។ តែ​អ្វីដែល​ពិសេស​នោះ​មួយ គឺ​នៅ​ខែធ្នូ ខាងមុខនេះ នាង​នឹង​ដឹក​ដៃ​បុរស​ជា​ពាណិជ្ជ​ករ​ម្នាក់​ចូល​រោងការ និង​កសាង​គ្រួសារ​មួយ​ដ៏​សុខសាន្ត»៕​

Content image - Phnom Penh Post
តារាចម្រៀង សុគន្ធ នីសា លើឆាកតន្ត្រី។ រូបថត ស៊ូ វុទ្ធី

Content image - Phnom Penh Post
តារាចម្រៀង សុគន្ធ នីសា ជា​ឯកអគ្គរដ្ឋទូតសុឆន្ទៈ​អង្គការ​ស៊ីប៉ា លើកកម្ពស់​ការ​អានសៀវភៅ។ ហុង មិនា

Content image - Phnom Penh Post
សារ​ដែល សុគន្ធ នីសា បង្ហោះ​ក្នុងបណ្ដាញ​សង្គម។ រូបថត instagram

0

Comments

Please, login or register to post a comment