ភ្នំពេញៈ ពិតជា​ស្មាន​មិនដល់​ថា តារា​សម្តែង​ស្រី​ដែល​តស៊ូ ឆ្លងកាត់ ការ​លំបាក​ច្រើន​នៅក្នុង​ការចាប់យក​ឱកាស​សម្តែង​ភាពយន្ត​តាំងពី​ឆ្នាំ ២០១៣ មក មាន​រាងតូច​ច្រឡឹង ចង្កា​ស្រួច​កញ្ញា ដួង ម៉ានិច និងទើប​តែមាន​រាសី​ឡើង​ខ្ពស់​ខ្លាំងនៅ​ចុងឆ្នាំ ២០១៦ បង្ហើប​ប្រាប់​មហាជន​ថា នាងមាន​អារម្មណ៍​រំភើបចិត្ត និង​គួរឲ្យ​កោតសរសើរ​ណាស់​សម្រាប់​ឱកាស​បានថត​សម្តែង​ជាតួ​ប្តីប្រពន្ធ​ជាមួយ​នឹង​តួសម្តែង​ប្រុស​ជើងចាស់​លោក ទេព រិន្ទដារ៉ូ នៅក្នុង​ខ្សែភាពយន្ត​ភាគ​ថតសា​ឡើងវិញ​នៃ​វណ្ណកម្ម​រឿង «ពស់​កេងកង​ថ្មី»។