ភ្នំពេញ: បន្ថែម​ការភ្ញាក់ផ្អើល​ពីរូបភាព​បុរស ទម្រង់​មុខដូច​នឹង​នាយ ចឺម តារា​កំប្លែង​ក្នុងក្រុម​នាយ ពែក មី ឆ្លុះឡើង​ពីពន្លឺ​ភ្លើង​ទៀន​ប្លុងៗ ដេក​លើគ្រែ​ស្តូកស្តឹង​គ្រប់ភួយ បង្ហោះ​ពី​គណនី​ហ្វេសប៊ុក ដែល​ផ្សព្វផ្សាយ​រូបនេះ​ក៏​រំលេចសារ​ជូនដំណឹង​ដ៏សង្វេគ​បន្ថែមថា៖ «អម្បាញ់មិញៗ យុវជន​ម្នាក់ ដោយ​គេស្គាល់​ថា ជានាយ ចឺម តារា​កំប្លែង និងជា​តារាចម្រៀង​របស់​ផលិតកម្ម​សាន់ដេ បានជួប​គ្រោះថ្នាក់​ក្រឡាប់​ឡាន​នៅ​ជនបទ​មួយ នៅស្រុក​កំចាយមារ ខេត្ត​ព្រៃវែង ដោយ​មិនដឹងថា នាយចឺម ធ្វើដំណើរ​ទៅណា​ពិតប្រាកដ​នោះទេ សាកសព ត្រូវបាន​ប្រជាពលរដ្ឋ ជួយ​លើកដាក់​តម្កល់​ទៀនធូប​រង់ចាំ​ដំណឹងពី​សាច់ញាតិ»។