ភ្នំពេញ: ក្នុង​ភាពយន្ដ​ស្រី​ដ៏ល្បី​រឿង Crouching Tiger, Hidden Dragon និង​ចារបុរស​ជេមប៊ន Tomorrow Never Dies អ្នកនាង មីឆេល យ៉ូស (Michelle Yeoh) បង្ហាញ​ពី​ភាព​ប៉ិនប្រសប់​នៃ​ការ​សម្ដែង​ឈុតឆាក​គ្រោះថ្នាក់ និង​ក្បាច់គុណ។ ក្នុង​នាម​ឯកអគ្គរដ្ឋទូត​សុឆន្ទៈ​សកល​នៃ​យុទ្ធនាការ​សុវត្ថិភាព​ចរាចរណ៍ អ្នកនាង​មាន​ក្ដីសង្ឃឹម​ថា នឹង​យក​ភាព​ល្បីល្បាញ​របស់​ខ្លួន​ទៅ​ផ្សព្វផ្សាយ​ពី​បញ្ហា​ដើម្បី​រួមចំណែក​ប្រយុទ្ធ​ប្រឆាំង​វិបត្ដិ​ដែល​នាំឲ្យ​មនុស្ស​ស្លាប់​៦៧១​០០០​នាក់​រៀងរាល់​ឆ្នាំ​ក្នុង​តំបន់​អាស៊ីប៉ាស៊ីហ្វិក ស្មើ​នឹង​ពាក់កណ្ដាល​នៃ​ចំនួន​មរណៈ​សកលលោក​។ ក្នុង​ដំណើរ​មក​ដល់​រាជធានី​ភ្នំពេញ​កាលពី​សប្ដាហ៍​មុន តារា​ហូលីវូដ​វ័យ​៥២​ឆ្នាំ​រូប​នេះ​បាន​ផ្ដល់​បទសម្ភាស​ពិសេស​ជាមួយ​លោក ចូ ហ្វ្រីមេន មកពី​ភ្នំពេញ​ប៉ុស្ដិ៍ ស្ដីពី​ភាព​ល្បីល្បាញ​នៃ​ការ​សម្ដែង​កុន ការងារ​ជា​ឯកអគ្គរដ្ឋទូត​សុឆន្ទៈ ការ​បើកបរ​មិន​ប្រកាន់​ច្បាប់​នៅ​កម្ពុជា និង​មូលហេតុ​ដែល​អ្នកនាង​មិន​ហ៊ាន​ប្រថុយ​ជិះ​ម៉ូតូ​ឡើយ​។