Search form

Login - Register | FOLLOW US ON

Logo of Phnom Penh Post newspaper Phnom Penh Post - ថន លក្ខិណា បដិសេធ​រឿង​លួច​បង្កាត់​ភ្លើង​ស្នេហ៍​ជាមួយ​តារា​បាល់ទាត់ កែវ សុផេង

Content image - Phnom Penh Post
ពិធីការិនីកញ្ញា ថន លក្ខិណា និង​តារា​បាល់ទាត់​លោក កែវ សុខផេង។ អីុនស្តាក្រាម​

ថន លក្ខិណា បដិសេធ​រឿង​លួច​បង្កាត់​ភ្លើង​ស្នេហ៍​ជាមួយ​តារា​បាល់ទាត់ កែវ សុផេង

ភ្នំពេញៈ តារា​សម្តែង​ស្រី និង​ពិធីការិនី​រាង​ខ្ពស់​ស្រឡះ ដែល​ក្តាប់​ណែន​ដៃ​ក្នុង​កិច្ចការ​សិល្បៈ​កញ្ញា ថន លក្ខិណា កាល​ពីថ្មីៗ​នេះ ក៏មាន​លេចឮ​ដំណឹង​រហៀងៗ​ថា ស្រីស្រស់​រូបនេះ កំពុង​តែ​បង្កាត់​ភ្លើង​ស្នេហ៍​ជាមួយ​នឹង​កីឡាករ​បាល់ទាត់​ខ្សែ​ប្រយុទ្ធ​ខ្មែរ​លេង​នៅ​ក្លិប​បាល់ទាត់​ភ្នំពេញក្រោន មាន​រូបរាង​សង្ហា​លោក កែវ សុខផេង ខណៈ​ដំណឹង​នេះ បាន​ផ្ទុះឡើង​ក្រោយ​ពីបង្ហោះ​រូបថត​បែប​ស្និទ្ធស្នាល​តាម​បណ្ដាញ​អ៊ីនស្តាក្រាម និង​ហ្វេសប៊ុក។

គ្រាន់តែ​បាន​បង្ហោះ​រូប​ស្និទ្ធស្នាល​ឈរ​ថត​សែលហ្វ៊ី​ជាគូ​គ្នា​រវាង​តារា​សម្តែង​ស្រី​កញ្ញា ថន លក្ខិណា និង​កីឡាករ​បាល់ទាត់​ជម្រើសជាតិ​កម្ពុជា លោក កែវ សុខផេង ភ្លាម​នោះ ក៏មាន​អ្នក​ចូលទៅ​ចុច Likes និង​ចូល​ទៅ Comments ព្រោងព្រាត​តែម្តង​ពីភាព​ស័ក្តិសម​ជាគូ​នឹង​គ្នា​នៃ​អ្នក​ទាំងពីរ។

មាន​អ្នកខ្លះ​សួរ​បែប​បញ្ជាក់​ឲ្យ​ឆ្លើយ​ការពិត​ទៅដល់​តារា​បាល់ទាត់​ថា៖ «តើ​គាត់​ជា​គូស្នេហ៍រ​បស់បង​ផេង​ឯងមែន?» និង​ខ្លះ​ទៀត​សរសើរ​ថា៖ «ពិតជា​សម​គ្នាមែន ម្នាក់​ជា​តារា​សម្តែង​សិល្បៈ និង​ម្នាក់ទៀត​ជា​តារា​កីឡា​បាល់ទាត់​នោះ សម​នឹងគ្នា​ខ្លាំង​ណាស់!»។

តែ​ហាក់ដូចជា​ខុស​ផ្ទុយ​ស្រឡះ​ពីអ្វី ដែល​ជា​ដំណឹង​លេចឮ​ឡើង​ថា តារា​ទាំងពីរ​នេះ​មាន​ចំណង​ស្នេហ៍​នឹងគ្នា​នោះ ខណៈ​តារា​សម្តែង និង​ពិធី​ការិនី​ទូរទស្សន៍​កំពុង​ឡើង​កូដ​កញ្ញា ថន លក្ខិណា បញ្ជាក់​ប្រាប់ ភ្នំពេញ ប៉ុស្តិ៍ កាលពី​រសៀល​ម្សិលមិញ នាពេល​នាង​កំពុង​តែនៅ​ខេត្ត​បាត់ដំបង ថា៖ «ធម្មតា​ទេ​បង មាត់​មនុស្ស​ចេះតែ​លេច​ចេញ​នូវ​ពាក្យ​សម្តី​ថា​អ៊ីចេះ​ថា​អ៊ីចុះ​ហើយ កាលណា​ឃើញ​បុរស និង​នារី​ឈរថត​ក្បែរ​គ្នា​សភាព​រាប់​អាន​ស្និទ្ធស្នាល​នោះ គឺ​ពិតជា​មាន​ការ​លើក​ឡើង​ទៅលើ​ផ្លូវ​ស្នេហា​ស្អីគេ​ហ្នឹងហើយ!»។

ពិធី​ការិនី​ទូរទស្សន៍​ហង្សមាស ទើបតែ​បាន​ដូរ​រថយន្ត​ពីម៉ាក ហាយ​ឡេនឌ័រ មក​ជិះ​សុទ្ធតែ​ឡិច​ស៊ីស ៣៥០ និង​ដែល​លេចមុខ​ច្រើន​នៅក្នុង​កម្មវិធី​ប្រគំ​តន្ត្រី​ទេសចរណ៍​តាម​ខេត្ត​នានា​ស្ទើរតែ​រាល់​ចុង​សប្តាហ៍​រូបនេះ​នាង​បន្ត​ថា៖ «រវាង​យើង​ទាំងពីរ​នាក់​គ្រាន់តែ​ជា​មិត្តភក្តិ​រួម​ការងារ​ធម្មតា​តែ​ប៉ុណ្ណោះ។ មិនមាន​អ្វី​លើស​ពីមិត្តភក្តិ​ទេ»។

ខណៈ​រូបឆោម​កាន់តែ​ស្រស់​សោភា ការងារ​សិល្បៈ​ក៏​កាក់កប តារា​សម្តែង​ស្រី និង​ពិធីការិនី រូបរាង​ខ្ពស់​ស្រឡះ​មាន​វ័យ ២៦ ឆ្នាំ កញ្ញា ថន លក្ខិណា ក៏បន្លឺ​បែប​ហួស​ចិត្តនឹង​ដំណឹង​មហាជន​ផ្គូផ្គង​រូបនាង និង​តារា​បាល់ទាត់​រូប​សង្ហា​លោក កែវ សុខផេង នោះដែរ​ថា៖ «យើង​មិនមាន​ទំនាក់ទំនង​ស្នេហា​អ្វី​នោះទេ ហើយ​រឿង​ស្នេហា មិនមែន​ចេះតែ​ស្រឡាញ់​គ្នាស្រួលៗ​ដូចជា​បងប្អូន​លើក​ឡើង និង​ផ្គូផ្គង​នោះ​ឡើយ»៕

0

Comments

Please, login or register to post a comment