Search form

Login - Register | FOLLOW US ON

Logo of Phnom Penh Post newspaper Phnom Penh Post - ថន លក្ខិណា អញ្ជើញ​មិត្ត​សិល្បៈ ២០ តុ ឡើង ផ្ទះ​ថ្មី​ក្រោយ​ភ្ជុំបិណ្ឌ

Content image - Phnom Penh Post
លិខិត​អញ្ជើញ​ឡើង​គេហដ្ឋាន​ថ្មី​តារា​សម្តែងស្រី​ ថន លក្ខិណា នៅ​បុរី​ប៉េងហួត​ ព្រែកលៀប​។ ហ្វេសប៊ុក

ថន លក្ខិណា អញ្ជើញ​មិត្ត​សិល្បៈ ២០ តុ ឡើង ផ្ទះ​ថ្មី​ក្រោយ​ភ្ជុំបិណ្ឌ

ភ្នំពេញៈ បង្កការ​ភ្ញាក់ផ្អើល​សាជា​ថ្មី ខណៈ​គេ​ឃើញ​ពិធីការិនី​ទូរទស្សន៍​ហង្សមាស ដែល​លេច​មុខ​ច្រើន​ក្នុង​កម្មវិធី​ប្រគំ​តន្ត្រី​ទេសចរណ៍​តាម​ខេត្ត​ស្ទើរ​តែ​រាល់​ចុង​សប្តាហ៍ បាន​ធ្វើ​ពិធី​អបអរសាទរ​ឡើង​ផ្ទះ​វីឡា​ថ្មី​ក្នុង​បុរីប៉េងហួត នៅ​សង្កាត់​ព្រែកលៀប ខណ្ឌ​ជ្រោយចង្វារ ប៉ុន្មាន​ថ្ងៃមុន​ហើយ​នោះ ក៏​ស្រាប់​តែ​ពេល​នេះ កញ្ញា ថន លក្ខិណា ដើរ​ចែក​លិខិត​អញ្ជើញ​ដល់​បណ្តា​មិត្ត​សិល្បៈ​ទៅ​ចូលរួម​ឡើង​គេហដ្ឋាន​ថ្មី នៅ​ថ្ងៃទី ២៧ ខែ​កញ្ញា​ឆ្នាំ ២០១៧ ខាងមុខ​ក្រោយ​ពីចប់​រដូវ​បុណ្យ​ភ្ជុំបិណ្ឌ​យ៉ាង​គ្រហើៗ​ម្តង​ទៀត!

តាមរយៈ​លិខិត​អញ្ជើញ​ឡើង​គេហដ្ឋាន​ថ្មី ដែល​បាន​ទៅ​ដល់​ដៃ​តារា​សម្តែង​ភេទ​ទី ៣ គឺ​កញ្ញា ប៉ុប ពី រំលេច​នូវ​ពេល​វេលា កាលបរិច្ឆេទ និង​ទីតាំង ស្ថិត​នៅ​ក្នុង​បុរី​ប៉េងហួត​ដឺស្តារជូមីរាហ៍ ក្នុង​ភូមិ​ព្រែក​លៀប សង្កាត់​ព្រែកលៀប ខណ្ឌ​ជ្រោយ​ចង្វារ នៅ​ទល់មុខ​សាលា​កសិកម្ម​ព្រែកលៀប​គឺជា​គេហដ្ឋាន​ថ្មី​របស់​តារា​សម្តែង​និង​ពិធីការិនី​រាង​ខ្ពស់​ស្រឡះ​កញ្ញា ថន លក្ខិណា ទើបនឹង​ទិញ​ថ្មី ហើយ​បើ​តាម​ដឹង​តម្លៃ​ក៏​ខ្ទង់​ដប់​ទៅ​ម្ភៃ​ម៉ឺនដុល្លារ​ផងដែរ។

ពេល​ទំនាក់​ទំនង​ដើម្បី​សាកសួរ​ថា​តើ​ហេតុអ្វី​បាន​ជាមាន​ការ​រៀបចំ​ពិធី​ជប់លៀង​ឡើង​ផ្ទះ​ថ្មី​ដល់​ទៅ​ពីរដង អ៊ីចឹង​នោះ តារា​សម្តែង​ស្រី​ដែល​កាន់​តែមាន​រូប​ឆោម​ស្រស់​ស្អាត និង​មើល​ទៅ​រាង​មាន​សាច់​មាន​ឈាម​ជាង​មុន​ប្រហែល​ដោយសារ​ឡើង​តាម​ទឹកប្រាក់ កញ្ញា ថន លក្ខិណា ក៏បាន​ឆ្លើយតប​បែប​មិន​ចង់​បកស្រាយ​វែង​ឆ្ងាយ​ដោយ​យក​លេស​ថា​ជាប់​រវល់​ដើរ​ហៅ​ភ្ញៀវ​ឬ​ទំនង​ដូចជា​ខ្លាច​ការ​ជជីក​សួរ​ច្រើន​ជាមួយ​ភ្នំពេញប៉ុស្តិ៍​ថា៖ «ចាស បង!តាម​ពិត​ទៅ​ការធ្វើ​លើក​មុន​នោះ គឺជា​ពិធី​សូត្រមន្ត​ធម្មតា ដែល​មានការ​ជួបជុំ​ពី​សាច់ញាតិ និង​ញាតិមិត្ត​ជិតខាង​នាង​ខ្ញុំ​តែ​ប៉ុណ្ណោះ មិនមែន​ជា​ពិធី​ឡើង​ជា​ផ្លូវការ​នោះ​ទេ ខណៈ​ខ្ញុំ​ទើប​តែ​រើស​បាន​ពេលា​ថ្ងៃ​ល្អ។ ថ្ងៃ​ឡើង​គេហដ្ឋាន​ថ្មី​នោះ នាង​ខ្ញុំ​នឹង​អញ្ជើញ​ក្រុម​មិត្ត​អ្នកសិល្បៈ​ចូលរួម​ចំនួន​ប្រហែល​ជា ២០ តុ ផងដែរ»។

បើតាម​មើលទៅ​ហាក់​ដូចជា​ដឹង​ច្បាស់ ឬ​មិន​ចង់​ឆ្លើយ​តប​នឹង​សំណួរ​បន្ទាប់ ដែល​នឹង​សួរថា​តើក​ញ្ញា ចំណាយ​ប្រាក់​ប៉ុន្មាន​សម្រាប់​ទិញ​ផ្ទះ​វីឡា​ថ្មី ស្ថិត​នៅ​ក្នុង​បុរី​ប៉េងហួត​ដឺស្តារជូមីរាហ៍ នៅ​ភូមិ​ព្រែកលៀប សង្កាត់​ព្រែកលៀប ខណ្ឌ​ជ្រោយចង្វារ នោះ​ទើប​កញ្ញាល​ក្ខិណា បញ្ចប់​ចម្លើយ​របស់​ខ្លួន​ត្រឹម​ពាក្យ​សម្តី​ថា៖ «ខ្ញុំ​សុំ​អធ្យាស្រ័យ​ផង​បង! ពេល​នេះ​រវល់ នឹង​ត្រូវ​ចេញ​ទៅ​អញ្ជើញ​ភ្ញៀវ​បន្ត​ទៀត»។

គួរ​បញ្ជាក់​ថា ប៉ុន្មាន​ឆ្នាំ​ចុងក្រោយ​នេះ បន្ថែម​ពីលើ​រូប​ឆោម​កាន់​តែ​ស្រស់​សោភា​នោះ តារា​សម្តែង​ស្រី និង​ពិធីការិនី វ័យ ២៦ ឆ្នាំ រូបនេះ​កាក់​កប​ខ្លាំង​នឹង​សិល្បៈ​ទើប​អាច​រកប្រាក់​ចំណូល​បាន​ច្រើន​រហូត​បាន​ដូរ​រថយន្ត​ពី​ម៉ាក​ហាយឡេនឌ័រ មក​ជិះ​ឡិចស៊ីស ៣៥០ និង​ចុងក្រោយ​នោះ​នាង​បាន​ទិញ​ផ្ទះ​វីឡា​ថ្មី​សន្លាង​នៅ​ក្នុង​បុរី​ប៉េងហួត​ទៀត៕

0

Comments

Please, login or register to post a comment