កំពង់ស្ពឺៈ បន្ទាប់ពី​ជោគជ័យ និង​ការ​គាំទ្រ​យ៉ាងខ្លាំង​លើ​កម្មវិធី «ទេសកាល​ភាពយន្ត​ខ្មែរ» ដែល​រៀបចំ​ឡើង​ដោយ​រោង​ភាពយន្ត​ផ្លាទីនៀម កាលពី​ខែ​កក្កដា ថវិកា​ដែល​ទទួល​បាន​ពី​ការ​លក់​សំបុត្រ​ក្នុង​កម្មវិធី​នោះ​នឹង​ត្រូវ​យក​ទៅ​ឧបត្ថម្ភ​ដល់​កុមារ​ខ្វះ​លទ្ធភាព​នៅ​ខេត្ត​កំពង់ស្ពឺ​តាមរយៈ​អង្គការ​យល់ដឹង​កម្ពុជា ដែល​ជា​អង្គការ​អន្តរជាតិ​បង្កើត​ឡើង​នៅ​ឆ្នាំ​១៩៩៦ ដើម្បី​ជួយ​សង្គ្រោះ ស្តារ និង​អភិវឌ្ឍន៍​កុមារ​កម្ពុជា។