.jpg)
ម្សៅទឹកដោះអូដ្ឋ សម្រាប់កុមារ ដែលជាផលិតផលរបស់អារ៉ាប់រួម។
ក្រុងឌូបៃ: ក្រុមហ៊ុនរបស់អេមីរ៉ាតអារ៉ាប់រួម បានបង្ហាញនូវអ្វីដែលខ្លួនបានហៅថាម្សៅទឹកដោះគោប្រើរូបមន្ដទឹកដោះអូដ្ឋដំបូងបំផុតក្នុងលោក ក្នុងបំណងជួយសម្រួលដល់ទារកកើតអាល្លែកហ្ស៊ីជាមួយទឹកដោះគោ។
ឧស្សាហកម្មម្សៅទឹកដោះអូដ្ឋ និងផលិតទឹកដោះ ឬ «Camelicious» របស់អេមីរ៉ាតអារ៉ាប់រួម កាលពីថ្ងៃចន្ទបានបង្ហាញផលិតផលនេះនៅពិព័រណ៍ម្ហូបអាហារ និងភេសជ្ជៈប្រចាំឆ្នាំ Gulfood ២០១៨ ដែលប្រារឰឡើងចាប់ពីថ្ងៃទី ១៨ ដល់ទី ២២ ខែកុម្ភៈ ក្នុងក្រុងឌូបៃ។
ទឹកដោះអូដ្ឋ ដែលខ្លួនបានអះអាងថា វាស័ក្ដិសមសម្រាប់កុមារអាយុពី ១ ទៅ ៣ ឆ្នាំ ដោយផ្ដោតចម្បងលើទារកអាល្លែកហ្ស៊ីនឹងទឹកដោះគោ។
ទឹកដោះអូដ្ឋដែលត្រូវបានប្រើរាប់សតវត្សរ៍គឺជាផលិតផលចម្បងសម្រាប់ពលរដ្ឋអម្បូរ Bedouin នៅទូទាំងឈូងសមុទ្រពែរ្ស៍ ដែលសម្បូរវីតាមីនចម្រុះក្នុងរបបអាហារសម័យបច្ចុប្បន្ន។
ទាំងទឹកដោះអូដ្ឋ និងសាច់អូដ្ឋ ទទួលបានប្រជាប្រិយភាពជាអាហារចម្អិនស្រាប់នៅក្នុងតំបន់ឈូងសមុទ្ររយៈពេលប៉ុន្មានឆ្នាំចុងក្រោយ ជាមួយសូកូឡាទឹកដោះអូដ្ឋ សាច់អូដ្ឋឆៅកាប៉ាកស៊ីយ៉ូ ប៊ឺហ្គ័រសាច់អូដ្ឋ និងពេលនេះម្សៅទឹកដោះអូដ្ឋកំពុងត្រូវបានដាក់លក់នៅតាមភោជនីយដ្ឋាន និងផ្ទះបាយនានា៕
