ភ្នំពេញៈ ការ​ផលិត​បទ​ចម្រៀង​ខ្លួន​ឯង​វា​ពិតជា​មានការ​លំបាក​និង​ត្រូវ​ការ​ធនធាន​មនុស្ស​ព្រម​ទាំង​ចំណាយ​ដើម​ទុន​ និង​ពេលវេលា​ច្រើន ហើយ​ពេល​ខ្លះ​មិន​ទទួល​បាន​ការ​គាំទ្រ​ច្រើន​ពី​សំណាក់​អ្នក​ស្តាប់​ទៀត។ តែ​មិន​អាច​យក​លេស​នេះ​ហើយ​ លួច​ចម្លង​ពី​បរទេស​នោះ​ឡើយ​ដែល​ធ្វើ​ឲ្យ​អាប់ឧន​កិត្តិយស​វិស័យ​សិល្បៈ​ខ្មែរ ទើប​ក្រុមហ៊ុន​អនុស្សា​អ៊ីវេន ផ្លេន​នើរ សហការ​ជាមួយ​ភាគី​ពាក់​ព័ន្ធ ផ្តួច​ផ្តើម​រៀបចំ​ការ​ប្រកួត និង​ប្រគំ​តន្ត្រី​ Original ដ៏​ធំ​ប្រចាំ​ឆ្នាំ​ដែល​មាន​ឈ្មោះ​ថា The MIC Cambodia ដើម្បី​ផ្ដល់​ជូន​នៅ​វេទិកា​ដ៏​ធំ​ដល់​យុវជន​ដែល​មាន​ទេព​កោសល្យ មាន​ឱកាស​ក៏​សាង​ភាព​ល្បីល្បាញ​របស់​ខ្លួន និង​ចូលរួម​ចំណែក​ទាំងអស់​គ្នា ក្នុង​ចលនា​រុញ​ច្រាន​ការ​ផលិត​តែ​បទ​ចម្រៀង Original របស់​ខ្មែរ។