ដកស្រង់ពីសៀវភៅតម្រាព្យាករណ៍ជោគរាសី មហាសង្ក្រាន្តឆ្នាំមមែ សប្ដស័ក ពស ២៥៥៩ រៀបរៀងដោយឯកឧត្តម អ៊ឹម បុរិន្ទ គណៈកម្មការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរ ដកស្រង់ពីសៀវភៅតម្រាព្យាករណ៍ជោគរាសី មហាសង្ក្រាន្តឆ្នាំមមែ សប្ដស័ក
|
ឆ្នាំជូន
មនុស្សប្រុស
តោងកែកុនប្រើសេចក្តីពិនិត្យពិច័យឲ្យល្អិតល្អន់បន្តិច សូម្បីតែធ្លាប់រាប់រកអ្នកយ៉ាងណា ឬធ្វើការរួមគ្នា កុំសង្ឃឹមឡើយថានឹងបានកម្រៃផលឲ្យសោះ។ មានជំងឺតម្កាត់ ឬទំនាស់ពីមនុស្សបម្រើការក្នុងលំនៅឋាន។ ការងារប្រចាំជីវិត ឬសេចក្តីស្និទ្ធស្នាលនឹងផ្តល់ផលជាអសារបង់ឥតការដល់អ្នកវិញ។ ត្រូវខំខ្នះខ្នែង និងអង់អាចឲ្យគ្រប់កម្លាំង ទើបអាចប្រាសចាកវិបត្តិទាំងនេះទៅខ្លះ។
មនុស្សស្រី
ឆ្នាំនេះជាឆ្នាំដែលជោគលាភមុខជានឹងមានដល់លោកអ្នកហើយ។ បើចង់ធ្វើអ្វីនឹងបានសម្រេចជាដរាប មិត្តភក្តិ ឬនាយចៅហ្វាយធំប្រុងទំនុកបម្រុងដល់អ្នក។ តែថារឿងដែលអ្នកត្រូវប្រិតប្រៀនខ្លួនបន្តិចនោះគឺកុំបេះបួយនាំរឿងពីឯនេះទៅនិន្ទាឲ្យអ្នកឯនោះឮ ឬដឹង។ បើអ្នកបានតមប្រាកដក្នុងហេតុភេទបែបនេះឈ្មោះថា ខ្លួនអ្នកបានដោះស្រាយពីការបែកបាក់រវាងមេត្រីភាព។
|
|
ឆ្នាំឆ្លូវ
មនុស្សប្រុស
រៀបមង្គលការនឹងបានផលសម្រេចបំណងមែនពិត និងសេចក្តីសុខ ប៉ុន្តែអ្នកនៅមានទំនាស់នឹងមេបារបស់អ្នកបន្តិចបន្តួច។ រួចពីហេតុភេទបែបនេះទៅនឹងបានល្អឡើងវិញ។ បើធ្វើការងារកាន់មុខតំណែង មានមុខនាទី អ្នកត្រូវបានឡើងតំណែងនាទីបន្ថែមជាមិនខាន។ ការដែលអ្នកត្រូវប្រុងប្រយ័ត្នជាទីបំផុតគឺចោរកម្ម និងអគ្គិភ័យបំផ្លាញ ខណៈច្រើនមានជំងឺផ្តាសាយ។
មនុស្សស្រី
អ្នកនឹងមានគ្រោះអាសន្នអាក្រក់ណាស់ ដួងតារាជតាត្រូវខាតបង់ ឬមានជំងឺឈឺថ្កាត់។ ប៉ុន្ដែត្រូវបានមិត្តជិតស្និទ្ធជួយឈឺឆ្អាលពេញទំហឹង។ បើចង់ធ្វើអ្វី ត្រូវពិចារណាមុខក្រោយឲ្យល្អិតល្អន់។ បើកាលណាភ្លាត់មុខជាត្រូវរងការសង្កត់សង្កិនផ្លូវចិត្ត។ ចូរកុំលលេងជាមួយគេញយៗពេក និងខំបំពេញខ្លួនឲ្យគេឃើញថា យើងជាមនុស្សមានរបៀប។ ចូរធ្វើអំពើល្អតបនឹងសត្រូវដើម្បីកាត់គ្រោះ។
|
|
ឆ្នាំខាល
មនុស្សប្រុស
អ្នកនឹងកើតមានគ្រោះអាសន្នអាក្រក់។ ដួងជតាត្រូវខាតបង់ ឬមានធុរៈជំងឺឈឺថ្កាត់។ ប៉ុន្តែមានមិត្តជិតស្និទ្ធជួយឈឺឆ្អាល។ បើចង់ធ្វើអ្វី ត្រូវពិចារណាមុខក្រោយឲ្យល្អិតល្អន់មែនទែន។ បើកាលណាភ្លាត់ អាចរងនូវអំពើសង្កត់សង្កិនដល់ផ្លូវចិត្ត។ ចូរកុំលលេងជាមួយគេញយៗពេក ហើយខំបំពេញខ្លួនឲ្យគេឃើញថាយើងជាមនុស្សមានរបៀបរៀបរយ។
មនុស្សស្រី
ការរៀបមង្គលការរបស់អ្នកបានផលសម្រេចបំណងមែន និងប្រកបដោយសេចក្តីសុខ តែអ្នកនៅមានទំនាស់នឹងមេបារបស់អ្នកបន្តិចបន្តួច ហើយរួចមកនឹងបានផលល្អឡើងវិញ។ បើអ្នកធ្វើការងារកាន់មុខតំណែង មានតួនាទី អ្នកត្រូវបានឡើងតំណែងនាទីបន្ថែមជាមិនខាន។ ការដែលអ្នកត្រូវប្រុងប្រយ័ត្នជាទីបំផុតគឺចោរកម្ម និងអគ្គិភ័យបំផ្លាញ ខណៈច្រើនមានជំងឺផ្តាសាយ។
|
|
ឆ្នាំថោះ
មនុស្សប្រុស
ឆ្នាំនេះជាឆ្នាំដែលជោគលាភមុខជានឹងមានដល់លោកអ្នកហើយ។ បើចង់ធ្វើអ្វីនឹងបានសម្រេចជាដរាប មិត្តភក្តិ ឬនាយចៅហ្វាយធំប្រុងទំនុកបម្រុងដល់អ្នក។ តែថារឿងដែលអ្នកត្រូវប្រិតប្រៀនខ្លួនបន្តិចនោះគឺកុំបេះបួយនាំរឿងពីឯនេះទៅនិន្ទាឲ្យអ្នកឯនោះឮ ឬដឹង។ បើអ្នកបានតមប្រាកដក្នុងហេតុភេទបែបនេះឈ្មោះថា ខ្លួនបានដោះស្រាយពីការបែកបាក់រវាងមេត្រីភាព។
មនុស្សស្រី
តោងកែកុនប្រើសេចក្តីពិនិត្យពិច័យឲ្យល្អិតល្អន់បន្តិច សូម្បីតែធ្លាប់រាប់រកអ្នកយ៉ាងណា ឬធ្វើការរួមគ្នា កុំសង្ឃឹមឡើយថានឹងបានកម្រៃផលឲ្យសោះ។ មានជំងឺតម្កាត់ ឬទំនាស់ពីមនុស្សបម្រើការក្នុងលំនៅឋាន។ ការងារប្រចាំជីវិត ឬសេចក្តីស្និទ្ធស្នាលនឹងផ្តល់ផលជាអសារបង់ឥតការដល់អ្នកវិញ។ ត្រូវខំខ្នះខ្នែង និងអង់អាចឲ្យគ្រប់កម្លាំង ទើបអាចប្រាសចាកវិបត្តិទាំងនេះទៅខ្លះ។
|
|
ឆ្នាំរោង
មនុស្សប្រុស
ឆ្នាំនេះជាឆ្នាំសម្រេចលាភផលជូនដល់កណ្តាប់ដៃយើងហើយ ទោះបីសត្រូវកាចប៉ុនប៉ងប្រទូសរ៉ាយយ៉ាងណាក៏ដោយ។ មានជោគជ័យគ្រប់ប្រការ និងបានទទួលការលើកតម្កើងពីមនុស្សទូទៅ។ បើរៀបមង្គលការក្នុងឆ្នាំនេះរាប់ថាល្អផ្តាច់ តែឧបសគ្គក៏មិនសាបសូន្យដែរ។ ចំពោះក្រុមញាតិនឹងរំខានដល់អ្នកខ្លះៗ។
មនុស្សស្រី
ឆ្នាំនេះនឹងបានមុខការងារធ្វើជាលក្ខណៈដ្ឋាន។ បើជាការរៀបចំមង្គលការផ្ទាល់ខ្លួន មុខជាបានសម្រេចដូចសេចក្តីប្រាថ្នា។ ប៉ុន្ដែគង់តែនៅមានមនុស្សឫស្យាចំពោះលទ្ធផលជានិច្ច។ រឿងនេះអ្នកកុំគប្បីខ្លាចឲ្យសោះព្រោះមានគេរង់ចាំជួយឈឺឆ្អាលពេញទំហឹង។ ចូរប្រយ័ត្នមនុស្សមានទុក្ខទោសគ្របសង្កត់ណាមួយមកបញ្ចុះបញ្ចូល និងបញ្ជោរលើកជើងអ្នកឲ្យចូលរួមការងារជាមួយគេ ដែលសុទ្ធតែមិនបរិសុទ្ធទាំងអស់។ មិនគួរលីសែង រែកពុនលើកដាក់របស់ធ្ងន់ៗហួសពេក។
|
|
ឆ្នាំម្សាញ់
មនុស្សប្រុស
មានចិត្តខ្វល់ខ្វាយច្រើនអនេក។ មិត្តភក្តិជាទីស្រឡាញ់ ឬញាតិសន្តានមានគុណបំណាច់លើរូបអ្នកត្រូវនិរាសគ្នា។ ត្រូវខូចផលប្រយោជន៍ខ្លះៗ។ តែមានគេចាំជួយឧបត្ថម្ភគាំទ្រឲ្យអ្នកបានក្តីសុខសាន្ត។ បើទោះជាមានឧបសគ្គក្នុងការងារអ្នកខ្លះ ក៏គង់នឹងសាបរលាបទៅវិញ។ អ្នកអាចចុះរើផ្ទះ ជួសជុល ឬធ្វើថ្មីផង។
មនុស្សស្រី
ឆ្នាំនេះជាឆ្នាំដែលមានក្តីសុខសាន្តលើសលប់ និងគាប់ចិត្តគ្រប់យ៉ាង ដោយមានគេនាំកំណប់រង្វាន់មកឲ្យដល់ទីកន្លែង។ ជោគរាសីល្អជាទីបំផុត។ បើមានបំណងធ្វើអ្វីមួយមុខជានឹងបានសម្រេចផលពិតមែន។ តែអ្នកកុំផ្តេកផ្តួលនឹងការជួយឈឺឆ្អាលពីគេឯទៀតខ្លាំងពេកនៅក្នុងរឿងរាប់អានស្រឡាញ់ទុកចិត្ត។ អ្នកគួរតែប្រយ័ត្នឲ្យមែនទែន ហើយចេះស្ទាបស្ទង់បន្តិចផង ប្រសិនបើចៀសមិនផុត។ បើចៀសផុតពីកិច្ចការនេះបាន សង្គមគ្រួសារនឹងមានសេចក្តីសុខយ៉ាងក្រៃលែង។
|
|
ឆ្នាំមមី
មនុស្សប្រុស
អ្នកមិនសូវរីករាយសោះ មិត្តភក្តិ ឬមនុស្សធ្វើការជាមួយអ្នក គេជាមនុស្សអាប់ជោគ ថោករាសីមកដឹកនាំអ្នកឲ្យខូចខាតទុន។ អ្នកមិនគួរធ្វើដំណើរលើផ្លូវឆ្ងាយពេកទេ សូម្បីតែបើកហាងលក់ដូរអីវ៉ាន់ថ្មី កុំធ្វេសប្រហែសឲ្យសោះ ហើយមិនគួរពឹងរកឲ្យគេជួយទុក្ខធុរៈខ្លួនជាដាច់ខាត។ តែអ្នកនឹងបានផលខ្លះៗដែរក្នុងការងារដោយការខិតខំតាំងចិត្តទុកយ៉ាងប្តូរផ្តាច់។
មនុស្សស្រី
ឆ្នាំនេះជាឆ្នាំត្រូវឃ្លាតពីទីកន្លែង។ បើមិនដូច្នោះទេ អ្នកមុខជាត្រូវនឿយណាយធុញទ្រាន់នឹងកន្លែងចាស់ ឬត្រូវផ្លាស់ប្តូរទីលំនៅឋានក៏មាន។ ពុំនោះសោត នាទីការពាររបស់អ្នកនឹងត្រូវរុះរើជាថ្មី។ បើមានការលក់ដូរជំនួញជួញប្រែជាអាជីពការនេះនឹងបណ្តាលជាហេតុឲ្យមានក្តីតឹងចង្អៀតខ្លះៗ។ ញាតិមិត្តនឹងកើតក្តីរង្គៀសឫស្យាចិត្តដោយបំពានលើផលចម្រើនល្អរបស់អ្នក។
|
|
ឆ្នាំមមែ
មនុស្សប្រុស
ឆ្នាំនេះអ្នកមិនសូវបានស្រួលបួលទេគឺត្រូវជួបប្រទះនឹងឧបសគ្គជាញឹកញយក្នុងការងារធម្មតា តែអ្នកត្រូវតាំងចិត្តពុះពារ និងប្រឹងរម្ងាប់ចិត្ត។ មានភាពឧស្សាហ៍ ព្យាយាម និងស្វាហាប់ជាប់ជានិច្ចពេលបំពេញការងារ នឹងធ្វើឲ្យអ្នកបានជោគជ័យគ្រាន់បើឡើងវិញក្នុងរវាងឆ្នាំនេះ។
មនុស្សស្រី
នេះនឹងមានផលល្អប្រសើរណាស់ ហើយបានលាភធំទៀត។ តែមុនបានលាភ ក៏ត្រូវខាតបង់ទ្រព្យជាមុនខ្លះដែរ។ ដូច្នេះត្រូវប្រុងប្រយ័ត្នខ្លួនបន្តិចដោយត្រូវចោរកម្មមានការប៉ងទុក បន្ទាប់ពីនោះមកអ្នកត្រូវបានទទួលមុខតំណែងថ្មី មានតួនាទីខ្ពស់ ជោគលាភនឹងបានមកវិញ។ ឆ្នាំនេះជាឆ្នាំ «ទុក្ខលាភ» បានទុក្ខមុនទើបមានលាភតាមក្រោយ។
|
|
ឆ្នាំវក
មនុស្សប្រុស
ឆ្នាំនេះនឹងមានផលល្អប្រសើរណាស់ ហើយបានលាភធំទៀត។ តែមុនបានលាភ ក៏ត្រូវខាតបង់ទ្រព្យជាមុនខ្លះដែរ។ ដូច្នេះត្រូវប្រុងប្រយ័ត្នខ្លួនបន្តិចដោយត្រូវចោរកម្មមានការប៉ងទុក បន្ទាប់ពីនោះមកអ្នកត្រូវបានទទួលមុខតំណែងថ្មី មានតួនាទីខ្ពស់ ជោគលាភនឹងបានមកវិញ។ ឆ្នាំនេះជាឆ្នាំ «ទុក្ខលាភ» បានទុក្ខមុនទើបមានលាភតាមក្រោយ។
មនុស្សស្រី
ឆ្នាំនេះអ្នកមិនសូវបានស្រួលបួលនោះទេដោយត្រូវជួបប្រទះនឹងឧបសគ្គជាញឹកញយក្នុងការងារប្រចាំថ្ងៃ។ ប៉ុន្ដែទោះយ៉ាងណាក៏ដោយ អ្នកត្រូវតាំងចិត្តពុះពារ និងប្រឹងប្រែងរម្ងាប់ចិត្ត។ ភាពឧស្សាហ៍ព្យាយាម និងស្វាហាប់ជាប់ជានិច្ចនៅក្នុងពេលបំពេញការងារ នឹងធ្វើឲ្យអ្នកបានជោគជ័យគ្រាន់បើឡើងវិញក្នុងរវាងឆ្នាំនេះ។
|
|
ឆ្នាំរកា
មនុស្សប្រុស
ឆ្នាំនេះជាឆ្នាំត្រូវឃ្លាតពីទីកន្លែង។ បើមិនដូច្នោះទេ អ្នកមុខជាត្រូវនឿយណាយធុញទ្រាន់នឹងកន្លែងចាស់ ឬត្រូវផ្លាស់ប្តូរទីលំនៅឋានក៏មាន។ ពុំនោះសោត នាទីការពាររបស់អ្នកនឹងត្រូវរុះរើជាថ្មី។ បើមានការលក់ដូរជំនួញជួញប្រែជាអាជីពការនេះនឹងបណ្តាលជាហេតុឲ្យមានក្តីតឹងចង្អៀតខ្លះៗ។ ញាតិមិត្តនឹងកើតក្តីរង្គៀសឫស្យាចិត្តដោយបំពានលើផលចម្រើនល្អរបស់អ្នក។
មនុស្សស្រី
អ្នកមិនសូវរីករាយសោះ មិត្តភក្តិ ឬមនុស្សធ្វើការជាមួយអ្នក គេជាមនុស្សអាប់ជោគ ថោករាសីមកដឹកនាំអ្នកឲ្យខូចខាតទុន។ អ្នកមិនគួរធ្វើដំណើរលើផ្លូវឆ្ងាយពេកទេ សូម្បីតែបើកហាងលក់ដូរអីវ៉ាន់ថ្មី កុំធ្វេសប្រហែសឲ្យសោះ ហើយមិនគួរពឹងរកឲ្យគេជួយទុក្ខធុរៈខ្លួនជាដាច់ខាត។ តែអ្នកនឹងបានផលខ្លះៗដែរក្នុងការងារដោយការខិតខំតាំងចិត្តទុកយ៉ាងប្តូរផ្តាច់។
|
|
ឆ្នាំច
មនុស្សប្រុស
ឆ្នាំនេះជាឆ្នាំដែលមានក្តីសុខសាន្តលើសលប់ និងគាប់ចិត្តគ្រប់យ៉ាង ដោយមានគេនាំកំណប់រង្វាន់មកឲ្យដល់ទីកន្លែង។ ជោគរាសីល្អជាទីបំផុត។ បើមានបំណងធ្វើអ្វីមួយមុខជាបានសម្រេចផលពិតមែន។ តែអ្នកកុំផ្តេកផ្តួលនឹងការជួយឈឺឆ្អាលពីគេឯទៀតខ្លាំងពេក។ អ្នកគួរប្រយ័ត្ន ហើយចេះស្ទាបស្ទង់បើចៀសមិនផុត។ បើចៀសផុត សង្គមគ្រួសារនឹងមានក្តីសុខក្រៃលែង។
មនុស្សស្រី
មានចិត្តខ្វល់ខ្វាយច្រើនអនេក។ មិត្តភក្តិជាទីស្រឡាញ់ ឬញាតិសន្តានមានគុណបំណាច់លើរូបអ្នកត្រូវនិរាសគ្នា។ ត្រូវខូចផលប្រយោជន៍ខ្លះៗ។ តែមានគេចាំជួយឧបត្ថម្ភគាំទ្រឲ្យអ្នកបានក្តីសុខសាន្ត។ បើទោះជាមានឧបសគ្គក្នុងការងារអ្នកខ្លះ ក៏គង់នឹងសាបរលាបទៅវិញ។ អ្នកអាចចុះរើផ្ទះ ជួសជុល ឬធ្វើថ្មីផង។
|
|
ឆ្នាំកុរ
មនុស្សប្រុស
ឆ្នាំនេះនឹងបានមុខការងារធ្វើជាលក្ខណៈដ្ឋាន។ បើជាការរៀបចំមង្គលការផ្ទាល់ខ្លួន មុខជាបានសម្រេចដូចសេចក្តីប្រាថ្នា។ ប៉ុន្ដែមានមនុស្សឫស្យាចំពោះលទ្ធផលជានិច្ច។ កុំគប្បីខ្លាចឲ្យសោះព្រោះមានគេរង់ចាំជួយឈឺឆ្អាល។ ចូរប្រយ័ត្នមនុស្សមានទុលក្ខទោសគ្របសង្កត់ណាមួយមកបញ្ចុះបញ្ចូល និងបញ្ជោរលើកជើងអ្នកឲ្យចូលរួមការងារជាមួយដែលសុទ្ធតែមិនបរិសុទ្ធទាំងអស់។
មនុស្សស្រី
ឆ្នាំនេះជាឆ្នាំសម្រេចលាភផលជូនដល់កណ្តាប់ដៃយើងហើយ ទោះបីសត្រូវកាចប៉ុនប៉ងប្រទូសរ៉ាយយ៉ាងណាក៏ដោយ។ មានជោគជ័យគ្រប់ប្រការ និងបានទទួលការលើកតម្កើងពីមនុស្សទូទៅ។ បើរៀបមង្គលការក្នុងឆ្នាំនេះរាប់ថាល្អផ្តាច់ តែឧបសគ្គក៏មិនសាបសូន្យដែរ។ ចំពោះក្រុមញាតិនឹងរំខានដល់អ្នកខ្លះៗ។
|
.jpg)
