.jpg)
ផ្កាកុលាប ដែលហោះទៅដល់ដៃគូស្នេហ៍នៅអាមេរិកភាគច្រើន គឺជាញើសឈាមរបស់ពលរដ្ឋទាត់ខ្សល់នៅកូឡុំប៊ី។ រូបថត AFP
ក្រុងបូហ្គោតា: ទិវានៃក្ដីស្រឡាញ់ ជាឱកាសដ៏កាក់កប់បំផុតនៅប្រទេស កូឡុំប៊ី ដែលជាប្រទេសនាំចេញផ្កាដ៏ធំបំផុតមួយក្នុងលោក ជាមួយនឹងតម្រូវការខ្ពស់ចំពោះការពិសោធក្នុងអគារកញ្ចក់ក្បែរក្រុងបូហ្គោតា។
នោះហើយជាអ្វីដែល រូប៊ីឡា មេនដេហ្ស និង វីលៀម ប៉េរ៉េហ្ស បានឆ្លងកាត់ឧបសគ្គជាច្រើនដែលមិនធ្លាប់ជួបប្រទះ ដោយការរៀបចំផ្កាកុលាបក្នុងអគារកញ្ចក់ ៥០០ គីឡូក្រាម ពីទីក្រុងកំណើត ឃ្យូឃ្យូតា ភាគខាងកើតព្រំដែនព្រៃ វ៉េណេស៊ុយអេឡា។
ពួកគេស្ថិតក្នុងចំណោមពលរដ្ឋ កូឡុំប៊ី និង វ៉េណេស៊ុយអេឡា រាប់រយនាក់ ជិះរថយន្ដក្រុងជាង ១២ ម៉ោងលើដងវិថីមិនរលោងស្មើរ ដើម្បីដឹកជញ្ជូនផ្កាទៅកាន់ទឹកដីសហរដ្ឋអាមេរិក។
ទិវានៃក្ដីស្រឡាញ់នៅថ្ងៃទី ១៤ ខែកុម្ភៈ ជាឱកាសប្រចាំឆ្នាំមួយសម្រាប់ពលរដ្ឋអាមេរិក ដែលចំណាយប្រាក់យ៉ាងច្រើនលើកាដូ។ នោះមានន័យថា វាជាអណ្ដូងរ៉ែមាសសម្រាប់ពលរដ្ឋ កូឡុំប៊ី ដែលជាប្រភពផ្គត់ផ្គង់ផ្កាទៅអាមេរិក ៧៤ ភាគរយ។
កាលពីឆ្នាំមុន ចន្លោះខែមករាដល់ខែវិច្ឆិកា ឧស្សាហកម្មផ្កា កូឡុំប៊ី មានតម្លៃ ១,៣ ពាន់លានដុល្លារ។
សម្រាប់អ្នករៀបចំផ្កានាំចេញអាចរកចំណូលមធ្យមបានតែ ៣០០ ដុល្លារក្នុងមួយខែ តែចំពោះ មេនដេហ្ស និងប៉េរ៉េហ្ស និងកម្មករដទៃទៀត ទទួលចំណូលខ្ពស់ជាងធម្មតា។
ពួកគេជាច្រើនសង្ឃឹមថា នឹងត្រូវបានក្រុមហ៊ុនទទួលយកជាបុគ្គលិកពេញសិទ្ធិ ដែលបានសន្យារជួលបុគ្គលិកបណ្ដែត ២០ ភាគរយក្រោយពីវេលាមមាញឹកទិវានៃក្ដីស្រឡាញ់បានបញ្ចប់ ឬក៏ស្វែងរកការងារថ្មី។
លោក ប៉េរ៉េហ្ស និយាយថា៖ «បើខ្ញុំមិនទ្រាំនៅទេ ខ្ញុំនឹងត្រូវទៅក្រុងបូហ្គោតា និងស្វែងរកពន្លឺជីវិតថ្មី»៕ AFP/HR
ពលរដ្ឋទាត់ខ្សល់ ទទួលបានឱកាសការងាររៀបចំផ្កានារដូវបុណ្យនៃក្ដីស្រឡាញ់។ រូបថត AFP
ឱកាសការងាររៀបចំផ្កានារដូវបុណ្យនៃក្ដីស្រឡាញ់ សម្រួលជីវភាពអ្នកអត់ការងារធ្វើមួយរយៈដែរ។ រូបថត AFP
ពលរដ្ឋអត់ការងារធ្វើ រំពឹងថាខ្លួននឹងត្រូវបានអនុញ្ញាតឲ្យបន្តធ្វើការ ក្រោយចប់រដូវបុណ្យសង្សារ។ រូបថត AFP
ផ្កាកុលាបដ៏ស្រស់បំព្រងដែលជាញើសឈាមពលរដ្ឋនៅកូឡុំប៊ី។ រូបថត AFP
កម្មករមមាញឹកនឹងការងាររៀបចំផ្កាកុលាបសម្រាប់ថ្ងៃបុណ្យក្ដីស្រឡាញ់។ រូបថត AFP
