.jpg)
ក្រុងអុកលែនដូ : និស្សិតគណិតវិទ្យាវ័យ ២០ ឆ្នាំម្នាក់មកពីក្រុងអុកលែនដូ រដ្ឋ Florida បានប្រកាសចង់រៀបការជាមួយឧបករណ៍ហ្គេមសង់ផ្ទះ Tetris ក្រោយពីបានបាត់បង់អតីតមិត្ដប្រុសដែលជាម៉ាស៊ីនគិតលេខឈ្មោះ Pierre ដោយសារតែគាំងពេលសម្អាត។
កញ្ញា នូរូល ម៉ាចាប៊ីន ហាសសាន ដែលប្រើឈ្មោះ Fractal Tetris Huracan ត្រូវបានស្គាល់ជាបុគ្គលប្រតិព័ន្ធនឹងវត្ថុនានា ឬហៅថា objectophilia ជាអ្នកស្រឡាញ់ មានចំណង់ផ្លូវភេទចំពោះវត្ថុផ្សេងៗ បីដូចជា ស្នេហាបុរស និងស្ដ្រីអ៊ីចឹង។
កញ្ញា នូរូល ធ្លាប់មានទំនាក់ទំនងស្នេហាជាមួយ iPod និង រថភ្លើង តែនាងបានប្ដូរមកស្រឡាញ់ឧបករណ៍ហ្គេមសង់ផ្ទះ កាលពីមួយឆ្នាំមុន និងមានគម្រោងចង់រៀបការជាមួយ Tetris នេះថែមទៀតក្រោយពីបញ្ចប់ការសិក្សានៅសាកលវិទ្យាល័យ។
យុវតីវ័យ ២០ ឆ្នាំរូបនេះបាននិយាយថា៖ «ខ្ញុំកើតឡើងពេលខ្ញុំលេងហ្គេមឈ្មោះ Smash Run ហើយខ្ញុំបានឮសំឡេងភ្លេងពី Tetris ហើយខ្ញុំគិតថា វាពិតជាទាក់ចិត្ដមែនទែន។ រៀងរាល់ពេលដែលខ្ញុំបានឮសំឡេងនេះ ខ្ញុំពិតជាលុងចង់លេងហ្គេម Tetris។ ខ្ញុំគិតថា Tetris ពិតជាសង្ហា គាត់ពិតជាស័ក្ដិសម ហើយគាត់ធ្វើឲ្យខ្ញុំរញ្ជួយចិត្ដណាស់។ ខ្ញុំមានអារម្មណ៍ ដូចជា មនុស្សមានអារម្មណ៍ស្នេហាជាមួយមនុស្សអ៊ីចឹង»។
ទំនាក់ទំនងស្នេហាដ៏ចម្លែករបស់កញ្ញា ហាសសាន ធ្វើឲ្យក្រុមគ្រួសារស្មុគចិត្ដជាច្រើនដែលខិតខំព្យាយាមទទួលយកចំណូលចិត្ដរបស់នាង។
កញ្ញា បានទទួលការគាំទ្រពីសំណាក់អ្នកប្រើប្រាស់អុីនធឺណិត ហើយនាងសង្ឃឹមថា នឹងអាចផ្សព្វផ្សាយចំណេះដឹង និងស្វែងរកការទទួលស្គាល់ចំពោះស្នេហាមួយនេះ៕ HR
