Search form

Login - Register | FOLLOW US ON

Logo of Phnom Penh Post newspaper Phnom Penh Post - បង្កង​ឥន្ទធនូ​ នាំឲ្យ​មានការ​ប្រកួត​រក​បង្កង​ឃ្យូត​បំផុត

Content image - Phnom Penh Post
រូបភាព​បង្កង​ប្លែកៗ​សម្រាប់​ការប្រកួត​ដណ្ដើម​រង្វាន់​បង្កង​ឃ្យូត​បំផុត។

បង្កង​ឥន្ទធនូ​ នាំឲ្យ​មានការ​ប្រកួត​រក​បង្កង​ឃ្យូត​បំផុត

ក្រុងតូរ៉ុនតូ: អ្នកប្រើប្រាស់​បណ្ដាញ​សង្គម​នាំគ្នា​សម្រុក​ចុច «likes» លើ​រូបភាព​បង្កង​កម្រមួយ​ក្បាលមាន​ពណ៌​ចម្រុះ​ដូច​ឥន្ទធនូ ខ្លួនធំ តង្កៀប​ច្រើន វារគើមៗ​ដែល​ត្រូវ​បានដាក់​បង្ហោះ​សម្រាប់ធ្វើ​ការប្រកួត​ប្រជែង​តាម​អនឡាញ តៀម​ដណ្ដើម​តំណែង​ជាបង្កង​ឃ្យូត​បំផុត។

អ្នកលក់​រថយន្ដ​ម្នាក់​នៅ​ភាគនិរតី​ខេត្ដ​ណូវ៉ា ស្កូទា ប្រទេស​កាណាដា បាន​បើក​គេហទំព័រ​ហ្វេសប៊ុក​របស់​ខ្លួន​កាលពី​ដើមខែ​នេះ​សម្រាប់​រូបភាព​ប្លែកៗ​ទៅតាម​សំណូមពរ​ប្រជានេសាទ​បង្កង​ក្នុងស្រុក។

លោក ប៊ីលលី ម៉ូល ជានាយក​គ្រប់គ្រង​ទីផ្សារ​នៅ​ក្រុមហ៊ុន Murray GM Yarmouth & Barrington បាន​និយាយថា ពួកគេ​បានសម្រេច​បង្កើត​ការប្រកួត​ប្រជែង​បង្កង​ប្លែកៗ​នេះ​ឡើង​ដោយ​សារតែ​ប្រជា​នេសាទ​មាន​សមត្ថភាព​ផ្គត់ផ្គង់​ទីផ្សារ​ដ៏ធំ​សម្បើម​ដោយ​ជោគជ័យ។

លោកបាន​និយាយថា រង្វាន់ «បង្កង​ឃ្យូត​បំផុត» ត្រូវបាន​វិនិច្ឆ័យ​ដោយ​ការចុច «Likes» លើ​រូបថត​ក្នុង​ទំព័រ​ហ្វេសប៊ុក។ បង្កង​ដែល​ទទួលបាន «likes» ច្រើន​បំផុត​នឹង​ទទួល​រង្វាន់​ជាបង្កង «ឃ្យូតបំផុត» ហើយ​អ្នក​ថតរូប​ឈ្នះ​រង្វាន់ទី ១ នឹង​ទទួលបាន​កាដូកាត​ជា​ទឹកប្រាក់ ៥០០ ដុល្លារ។

លោក ម៉ូល បាន​បន្ដថា៖ «ពេល​យើង​ដំណើរការ​ប្រកួត​នេះ​ដំបូង យើង​ទទួលបាន​រូបថត​ប្រកួត​ពី ៥ ទៅ ៦ ក្នុង​មួយថ្ងៃ ហើយ​វាកើន​ឡើង​ឥត​ឈប់ឈរ។ វា​មានការ​ពិបាក​តាមដាន​ណាស់។ ពេលនេះ យើង​ទទួលបាន​រូបថត​បង្ក​ងប្លែកៗ មក​ប្រកួត​ប្រជែង ២០ សន្លឹក​ជាមធ្យម​រាល់ថ្ងៃ»៕

HR

0

Comments

Please, login or register to post a comment

ព័ត៌មានពាក់ព័ន្ធ