ភ្នំពេញៈ ភ្ជាប់​នឹង​​សំណេរ​សារ​បកអាក្រាត​មុខ​​ស្ត្រី​​​​​​លួចលាក់​ឆក់​បេះដូង​​ស្វាមី​នារី​ម្នាក់​ដែល​អះអាង​​ថា​ជា​ភរិយា​ដើម​មិន​ទាន់​លែងលះ​ជម្រះ​សម្ព័ន្ធ​ស្នេហ៍​នឹង​តារាចម្រៀង​ប្រុស​ទ្រនំ​ថោនលោក T.O បាន​​ប្រើ​បណ្ដាញ​សង្គម​ហ្វេសប៊ុក​ ទម្លាយ​ទុក្ខ​សោក​ត្រូវ​ជន​ទី​បី​ជ្រែក​ស្នេហ៍​​របស់​ខ្លួន​ដែល​ក្នុង​កម្រង​រូបថត​នោះ​បាន​បង្ហាញ​នូវ​វង់ភ័ក្ត្រ​​​​តារាចម្រៀង​ស្រី​​ទ្រនំ​​ហង្សមាស​គឺ​កញ្ញា លាង សុផាឡែន យ៉ាង​ច្បាស់​ក្រឡែត​​។ យ៉ាង​ណា​មិញ ព័ត៌មាន​ស្នេហ៍​ត្រីកោណ​​ដ៏កក្រើក​​​នេះ ត្រូវ​បាន​តារាចម្រៀង​ លាង សុផាឡែន បរិយាយ​ថា​ទំនាក់​ទំនង​នាង និង​លោក T.O បាន​រលត់​សោះសូន្យ​ហើយ ​ក្រោយ​ពី​​នាង​ដឹង​ថា​លោក​ជា​បុរស​ជាប់​ចំណង​ប្រាំប្រការ មាន​ទាំង​កូន​ផង​ទៀត​នោះ។