.jpg)
គំនូរឈ្មោះថា កូនភ្លោះល្បុក្កតោ ជាស្នាដៃរបស់វិចិត្រករស្រីអាមេរិក Julia Haw។ សហការី
ភ្នំពេញ: វិចិត្រករគំនូរ Julia Haw បានបង្ហាញនូវស្នាដៃស្ដីពីពិព័រណ៍ថ្មី ដោយបាននិយាយនៅមុនពេលនាំយកស្នាដៃគំនូរពីសៀមរាបមកកាន់ភ្នំពេញថា៖ «នេះជារាងកាយសិល្បៈដ៏រឹងមាំបំផុតដែលធ្លាប់បានគូរ»។
Julia កើតនៅលើទឹកដីកសិដ្ឋានមួយក្នុងទីក្រុងដាវីសុន រដ្ឋមីឈីហ្គេន សហរដ្ឋអាមេរិក តែនាងមកតាំងលំនៅក្នុងទីក្រុងញូវយ៉ក។
ទំនាក់ទំនងរបស់កញ្ញា និងប្រទេសកម្ពុជាចាប់ផ្ដើមជាមួយវគ្គសិក្សាថ្នាក់មហាវិទ្យាល័យ ស្ដីពីសិល្បៈអាស៊ីអាគ្នេយ៍។ កញ្ញាបានសិក្សាពីប្រាង្គប្រាសាទអង្គរវត្ដ និងគិតក្នុងចិត្ដថា «ថ្ងៃណាមួយខ្ញុំនឹងមកទីនេះ»។
ថ្ងៃនោះបានមកដល់ក្នុងឆ្នាំ ២០១៥ និងអង្គការសិល្បៈឈ្មោះថា Colors of Cambodia ត្រូវការគ្រូសិល្បៈស្ម័គ្រចិត្ដ។ ដូច្នេះកញ្ញា Julia បានសម្រេចចិត្ដផ្សារភ្ជាប់ខ្លួន។
ខណៈបង្រៀនសិល្បៈដល់សិស្សកម្ពុជា កញ្ញា ដាំរុក្ខជាតិសម្រាប់ការបើកសម្ពោធពិព័រណ៍ក្នុងក្រុងភ្នំពេញ កាលពីថ្ងៃសៅរ៍ ក្រោយពីបានបើកដំណើរការនៅខេត្ដសៀមរាបដោយបានដាក់ចំណងជើងថា «Same, Same but Different»។
កញ្ញាត្រៀមធ្វើកិច្ចការជាច្រើនលើមុខវិជ្ជាគំនូរអំពីកម្ពុជា ដោយឆ្លុះបញ្ចាំងពីទស្សនៈជនបរទេស។ ប្រធានបទទាំងភាពខុសប្លែកគ្នា និងភាពស្រដៀងគ្នាដោយការស្វែងរកភាពស្របគ្នារវាងកម្ពុជា និងបស្ចិមប្រទេស ព្រមទាំងការបែងចែកវប្បធម៌ដ៏ធំសម្បើម។
វិចិត្រករស្រីអាមេរិក Julia Haw។ ហ្វេសប៊ុក
ប៉ុន្ដែគំនូរដ៏ទាក់ចិត្ដបំផុតមានឈ្មោះថា «កូនភ្លោះល្បុក្កតោ» ស្ដីពីបងប្អូននារីខ្មែរ ២ នាក់ ឈ្មោះ ផានី និង សុផានីន ដែលពួកគេបានលួចហាត់ក្បាច់គុនបុរាណល្បុក្កតោទោះឪពុកម្ដាយមិនយល់ព្រម។ ក្នុងរូបភាពនេះពួកគេបង្ហាញកាយវិការក្បាច់គុនដូចគ្នា សម្លឹងក្រសែភ្នែកមកកាន់អ្នកមើល និងកាយវិការដែលចង់ប្រាប់ថា ពួកគេកំពុងចេញពីផ្ទាំងគំនូរ។
កញ្ញា Julia បាននិយាយថា៖ «នេះជាសិល្បៈដ៏រស់រវើក បង្ហាញពីភាពរឹងមាំរបស់នារី និងឆ្លុះបញ្ចាំងពីសំឡេងស្ដ្រីពីព្រោះបញ្ហានេះក៏បានកើតឡើងនៅអាមេរិកដែរ។ ដំបូងឪពុកម្ដាយរបស់ពួកគេមិនយល់ស្របថាពួកគេអាចជាអ្នកសិល្បៈទេ។ ពួកគេមានវ័យខ្ទង់ ៣០ ឆ្នាំ ហើយនៅតែលាក់បាំងចំពោះឪពុកម្ដាយទៀត»។
ខណៈកញ្ញា Julia នឹងត្រូវត្រឡប់ទៅកាន់ក្រុងញូវយ៉កវិញក្រោយពីពិព័រណ៍ចប់ លោកអ្នកអាចទៅទស្សនាពិព័រណ៍នានៅសាលវិចិត្រថ្មី Space Four Zero Gallery រហូតដល់ថ្ងៃទី ២៦ ខែកុម្ភៈ៕James Reddick
