ភ្នំពេញៈ ការ​ធ្វើ​ឲ្យមាន​កើត​ជា​ប្រយោជន៍​ទៅ​ដល់​សង្គម គឺជា​កាតព្វកិច្ច​របស់​មនុស្ស​គ្រប់រូប ព្រះពុទ្ធ​ប្រៀន​ប្រដៅ​យើង​ឲ្យចេះ​ធ្វើអ្វីៗ​មាន​តម្លៃ​នៅ​ក្នុង​សង្គម។ មនុស្ស​យើង​តាំង​ពីតូច​មកដល់​ធំ រស់​នៅ​បាន​ដោយសារ​ទាន ការ​ឲ្យ​ចំណី​ចំណុក ចិញ្ចឹម​បីបាច់​ថែរក្សា​ពី​ឪពុកម្តាយ បើ​គាត់​មិនឲ្យ​យើង​ទេ យើង​នឹង​ស្លាប់។ យើង​អាច​ចេះដឹង អាន​អក្សរ​កើត ដោយ​សារតែ​លោកគ្រូ​អ្នកគ្រូ បាន​ផ្ទេរ​ចំណេះដឹង​ដល់​យើង និង​ការបរិច្ចាគ​ទាន​ជារឿង​សំខាន់​បំផុត​សម្រាប់​ជីវិត​មនុស្ស។