ភ្នំពេញៈ ផ្តើម​ចេញពី​ការថតរូប​ក្នុងភាព​ស្និទ្ធស្នាល​ខ្លាំង​រវាង​តារា​សម្តែង​រលក​ក្រោយ​លោក ឆឹម សក្កដា ជាមួយនឹង​តារា​ចម្រៀង​ស្រី​ខ្ញីចាស់​លំដាប់​កំពូល​នៅទ្រនំ​ផលិតកម្ម​រស្មី​ហង្សមាស​អ្នកនាង ពេជ្រ សោភា ជារឿយៗ​នាមួយ​រយៈ​ចុងក្រោយ​នេះ ក៏បង្ក​ជា​ចម្ងល់ដល់​មហាជន​ឲ្យ​លេចចេញ​ជាព្យុះ​ពាក្យ​ចចាម​អារ៉ាម​បែកធ្លាយ​ថា «អ្នក​ទាំងពីរ​កំពុងតែ​បង្កាត់ភ្លើង​ស្នេហ៍​នឹងគ្នា​យ៉ាង​រលូនល្អ និង​ល្អូកល្អិន​លើសពី​សម្ព័ន្ធភាព​ក្នុងនាម​ជាមិត្ត​ក្នុង​វិស័យ​សិល្បៈ​តែម្តង»។