Search form

Login - Register | FOLLOW US ON

Logo of Phnom Penh Post newspaper Phnom Penh Post - ពែកមី សារភាព​ថា ​ខ្លួន​មាន​ទម្លាប់​អាក្រក់​ពេល​បើកបរ

Content image - Phnom Penh Post
ពែកមី បង្ហោះ​សារ​ថាខ្លួន​ក៏ធ្លាប់​ចុច​ទូរស័ព្ទ​ពេល​បើកបរ។ ហ្វេសប៊ុក

ពែកមី សារភាព​ថា ​ខ្លួន​មាន​ទម្លាប់​អាក្រក់​ពេល​បើកបរ

ភ្នំពេញ: ខណៈ​ពេល​មហា ជន​បង្ហើរ​នូវពាក្យ​រិះគន់​ចំៗ​នឹង​ទង្វើ​បែប​ខ្វះ​ការប្រុង​ប្រយ័ត្ន ឬ​ខ្វះការ​ទទួល​ខុសត្រូវ​ហើយ​ខុសច្បាប់​ចរាចរណ៍ របស់​តារា​សម្តែង​ស្រី ម៉ាក់ សែន​សូនីតា ហៅ​កញ្ញា តូតា នាពេល​ថ្មីៗ​បង្ហាញ​ភាព​ឆ្គាំឆ្គង​ខ្លួនគឺ​ដៃស្ដាំ​កំពុង​កាន់​ចង្កូត ខណៈ​ដែលដៃ​ឆ្វេង​កាន់​ទូរស័ព្ទ​ឃើញ​វង់ភក្ត្រ​បុរស​ម្នាក់​លើ​អេក្រង់ ពេល​អ្នកបញ្ជា​រថយន្ត​លើ​ទ្រូង​ផ្លូវ ផ្ទុះ​សំណើច​ពោរ​ពេញ​ទៅដោយ​ក្ដីរំភើប​រីករាយ​យ៉ាង​ព្រហើន​នោះ ក៏​ស្រាប់តែ​តារា​កំប្លែង​នាយ ពែកមី បាន​បង្ហោះ​សារមួយ​ឃ្លា​បែប​ជាការ​សារភាព​ពីទម្លាប់​អាក្រក់​របស់​ខ្លួន​ពេល​បើកបរ ក៏ធ្លាប់​អ៊ីចឹង​ដែរ ក្រោយ​ហេតុការណ៍​ប៉ុន្មាន​ម៉ោង។

នាយ ពែកមី បង្ហោះសារ​តាម​ហ្វេសប៊ុក​ខ្លួន​ថា៖ «ទម្លាប់​អាក្រក់​របស់ខ្ញុំ​គឺ ពេល​បើកបរ​នៅលើ​ដងផ្លូវ តែងតែ​ចុច​ទូរស័ព្ទ ដឹងថា​វាប្រឈម​នឹង​គ្រោះ​ថ្នាក់​ខ្លាំង​ណាស់ តែកែ​មិនបាន នៅមិន​សុខ តើ​បងប្អូន​ណាខ្លះ​មាន​ទម្លាប់​អ៊ីចឹង​ដែរ?»។

តែ​ជាក់ស្តែង​លោក ពែកមី ប្រាប់​ភ្នំពេញ​ប៉ុស្តិ៍​ថា៖ «តាម​ពិតទៅ ជារឿយៗ ខ្ញុំបាន​ឃើញ​ហេតុការណ៍​ដែល​បងប្អូន​ពលរដ្ឋខ្មែរ​មួយ​ចំនួនធំ មិនថា​តែ​អ្នកមាន​រថយន្ត​ជិះ ហើយ​មាន​ទម្លាប់​បញ្ជា​បណ្តើរ ក៏​ឆ្លៀត​ចុច​ទូរស័ព្ទ​បណ្តើរ​ប៉ុណ្ណោះ​ទេ សូម្បីតែ​អ្នកជិះ​ម៉ូតូ​ក៏បាន​ធ្វើ​សកម្មភាព​នេះ​ដែរ គឺថា​សុទ្ធតែជា​ទម្លាប់​អាក្រក់ និង​ប្រឈម​គ្រោះថ្នាក់​ដូចគ្នា»។

លោក ពែកមី បាន​បញ្ជាក់​ពីសារ​ខាងលើ​ថា៖ «ចំពោះ​សារ​របស់​ខ្ញុំ​នោះ គឺ​គ្រាន់តែ​ជាដាស់​តឿន​ទៅដល់​អ្នកមាន​យានយន្ត​ទាំងអស់ នាពេល​បើកបរ​លើ​ដងផ្លូវ សុំកុំ​ប្រើ​ទម្លាប់​ដ៏អាក្រក់ ដែលដៃ​ម្ខាង​ប្រើ​បញ្ជា​ឡាន រីឯ​ដៃម្ខាង​ទៀត​ឆ្លៀត​ចុច​ទូរស័ព្ទ​ផងនោះ​អី ព្រោះ​មិនល្អ​សម្រាប់​សុវត្ថិភាព​ចរាចរណ៍​ឡើយ ហើយ​មានការ​ប្រឈម​ទៅនឹង​គ្រោះថ្នាក់​ទៀត​ផង។សម្រាប់​ខ្ញុំផ្ទាល់ ពីមុន​ក៏ធ្លាប់​មាន​តិចតួច​ដែរ តែនៅ​បច្ចុប្បន្ន​នេះ​ខ្ញុំមាន​អ្នកបើកបរ​ឲ្យ​ហើយ»។

ជាក់ស្តែង​ពេល​តារា​សម្ដែង​ស្រី​បបូរមាត់​សិចស៊ី​គួរឲ្យ​ក្នាញ់​កញ្ញា ម៉ាក់ សែនសូនីតា ទំនង​ជា​នាង​បែប​លង់នឹង​អារម្មណ៍​រំភើប​ជន់​ជោរពេក​រហូតដល់​ភ្លេច​ខ្លួន​ថា កំពុងតែ​បំពាន ហ៊ាន​ធ្វេស​ប្រហែស​ចំពោះ​សុវត្ថិភាព​នៃការ​បើកបរ បើតាម​វីដេអូ​មាន​ពេល​មិនដល់ ១ នាទី​ពេញផង​នោះ បាន​បង្ហាញ​ពីសកម្មភាព​នាង​កំពុង​ជជែកគ្នា​តាម​វីដេអូ​ផ្ទាល់​នឹងបុរស​ម្នាក់ជា​តារា​សម្ដែង​លោក រតនៈ ពិសិដ្ឋ។

លុះដល់​ក្រោយ​ប៉ុន្មាន​ម៉ោងមក​ឃើញ​នាយ ពែកមី សារភាព​ទង្វើ​អាក្រក់​ពេល​បើកបរ​របស់ខ្លួន​នៅតាម​ហ្វេសប៊ុក​ដែរ។ តែតារា​កំប្លែង​ល្បី​ប្រចាំ​នៅ​ទូរទស្សន៍​ស៊ីធីអិន មាន​ឈ្មោះ​ដើម ចែម ចាន់ដារ៉ា ហៅ​នាយ ពែកមី ក៏បាន​បញ្ជាក់​ថា៖ «ខ្ញុំ​មិនបាន​ដឹងមាន​ហេតុការណ៍​ដែល​កញ្ញា តូតា បើកបរ​បណ្តើរ និង​ចុច​ទូរស័ព្ទ​បណ្តើរ​ទេ! ហើយ​ឯសារ​ដែល​ខ្ញុំបាន​បង្ហោះ​នោះ​គឺថា​ដូចជា​បាន​កើត​មុន​នាង»។

ប៉ុន្តែ​ផ្ទុយពី​ស្នាមញញឹម​នោះ កាយ​វិការ​របស់ តូតា បែរជា​ធ្វើឲ្យ​មហាជន​រិះគន់​ដោយ​ប្រាស​ច្រាកពី​ក្រឹត្យក្រម​នៃ​សុវត្ថិភាព​ច្បាប់​ចរាចរណ៍៕

0

Comments

Please, login or register to post a comment