ភ្នំពេញ: ការ​គេច​ពី​ផ្សែង​រថយន្ត និង​បរិយាកាស​ក៏កកកុញ​នៃ​ទីក្រុង​គឺជា​តម្រូវការ​ដ៏ចាំបាច់​សម្រាប់​អ្នក​ដែល​ស្វែងរក​ការ​កម្សាន្ត​ចុងសប្ដាហ៍ ដើម្បី​ទទួលទាន​ជួបជុំ​ក្រុម​គ្រួសារ ឬ​មិត្តភក្ដិ​។ ស្ថិត​នៅ​មិន​ឆ្ងាយ​ពី​គល់​ស្ពាន​ជ្រោយចង្វារ ទេសភាព​ដ៏ត្រជាក់​ភ្នែក​គួបផ្សំ​នឹង​អាហារ​ឆ្ងាញ់​ប្លែក​មាត់​នៃ​ភោជនីយដ្ឋាន​«​ទន្លេ​មាស»​បាន​ទាក់ទាញ​មនុស្ស​ជាច្រើន​ឲ្យ​បង្ហួស​ដំណើរ​ឆ្លង​ស្ពាន​ចម្ងាយ​ប្រមាណ​៦​គីឡូម៉ែត្រ​ទៅកាន់​ទីកម្សាន្ត​ប្រក់​ស្បូវ​មាន​វាយោ​ទន្លេ​បក់​យ៉ាង​ត្រសៀក។