ភ្នំពេញ: បន្ថែម​ពីរូប​ថត​តារា​ចម្រៀង​ អ្នកនាង​ពេជ្រ សោភា ដេក​ស្តូកស្តឹង​នៅលើ​គ្រែ​ពេទ្យ​ ដៃជើង និងខ្លួន​ជាប់​ដោយ​សម្ភារ​សង្គ្រោះ​ ដែលហាក់​ស្ថិតក្នុង​អាការ​ជំងឺ​ធ្ងន់ធ្ងរ ក៏មាន​ព័ត៌មាន​លើក​ឡើង​ថា តារា​ចម្រៀង​ស្រី​កំពុង​ល្បីបទ​ «រាំញី​កែង​ជើង»​ រូបនេះ​កំពុង​ញាំញី​ដោយ​ជំងឺ​ឈាម​សស៊ីឈាម​ក្រហម​កម្រិត​ធ្ងន់ធ្ងរ ​និងត្រូវ​ការ​សម្រាក​ព្យាបាល​ដោយ​មិនអាច​ខានបាន​នៅមន្ទីរ​ពេទ្យ​នៃក្រុង​បាងកក។ ប៉ុន្តែ​ផ្ទុយពី​ព័ត៌មាន​អកុសល​ដ៏ភ្ញាក់​ផ្អើល​នោះ បែរជា​ម្តាយ​របស់​តារា​ចម្រៀង​រូបនេះ​ពោល​បដិសេធ​ថា៖ «កូន​ស្រីខ្ញុំ​មិនមាន​អ្វី​កើត​ឡើង​ដូចគេ​ល្បី​ផង»។ ​