Search form

Login - Register | FOLLOW US ON

Logo of Phnom Penh Post newspaper Phnom Penh Post - រូបមន្ត​សូកូឡា និង​ស្ករ​ផ្អែម​មិន​ប៉ះពាល់​សុខភាព​ត្រូវ​បាន​រក​ឃើញ

Content image - Phnom Penh Post
នៅ​ឆ្នាំ​​ ២០១៨ ស្ករសូកូឡា និង​ស្ករគ្រាប់​នឹង​ត្រូវផលិតដោយ​ប្រើ​ស្ករ​តិច​បំផុត​។

រូបមន្ត​សូកូឡា និង​ស្ករ​ផ្អែម​មិន​ប៉ះពាល់​សុខភាព​ត្រូវ​បាន​រក​ឃើញ

ក្រុង​ហ្សឺណែវ: ក្រុមហ៊ុន​ផលិត​អាហារ​ដ៏​ល្បី​ Nestle បាន​ប្រកាស​ថា ខ្លួន​រកឃើញ​រូបមន្ត​កាត់បន្ថយ​ជាតិ​ស្ករ ដែល​ធ្វើ​ឲ្យ​ផលិតផល​ម៉ាក Kit Kat, Butterfinger និង​ស្ករ​ដទៃទៀត​នៅ​តែ​ផ្អែម​ឆ្ងាញ់​មាត់ ហើយ​មិន​ប៉ះពាល់​ដល់​សុខភាព​អ្នក​ទទួល​ទាន។

ក្រុមហ៊ុន​ស្វ៊ីស​ដ៏​ធំមួយ​នេះ​បាន​ប្រកាស​ថា ការ​រកឃើញ​ដ៏​ថ្មី​នេះ​អាច​ធ្វើ​ឲ្យ​ក្រុមហ៊ុន​កាត់បន្ថយ​បរិមាណ​ស្ករ​រហូត​ដល់​៤០​ភាគរយ​ក្នុង​ការ​ផលិត ខណៈ​ដែល​រសជាតិ​​ក្នុង​ចំណី​អាហារ និង​សូកូឡា​នៅ​រក្សា​ដដែល។

លោក ស្ទីហ្វេន ខេតស៊ីខាស ប្រធាន​ផ្នែក​បច្ចេកវិទ្យា​របស់​ក្រុមហ៊ុន​ Nestle បាន​អះអាង​ថា៖ «អ្នក​វិទ្យាសាស្ត្រ​របស់​យើង​​បាន​រក​ឃើញ​វិធី​សាស្ត្រ​ថ្មី​សន្លាង​ គឺ​រូបមន្ត​ផលិត​ដែល​ប្រើ​ពពួក​ស្ករ​មាន​រចនា​សម្ព័ន្ធ​មូលេគុល​ខុស​ពី​មុន។ ពោលគឺ​រសជាតិ​នៅ​រក្សា​ដដែល តែ​កម្រិត​ស្ករ​មាន​បរិមាណទាប»។

ក្រុមហ៊ុន​បាន​ប្រកាស​ថា​ខ្លួន​កំពុង​តែ​ស្ថិត​ក្នុង​ដំណាក់​កាល​ចុះ​កម្មសិទ្ធិ​បញ្ញា​សម្រាប់​បច្ចេកវិទ្យា​ផលិត​ថ្មី​នេះ​ ហើយ​ស្ករ​សូកូឡា និង​អាហារ​ផ្អែម​ជា​ច្រើន​ដែល​មាន​ជាតិ​ស្ករ​តិច​បំផុត ហើយ​នៅ​តែ​រក្សា​រសជាតិ​ផ្អែម​ដូច​ដើម​នោះ នឹង​ផ្ដើម​ផលិត​នៅ​ឆ្នាំ​២០១៨។

អង្គការ​សុខភាព​ពិភពលោក និង​ភ្នាក់ងារ​សុខភាព​ជាច្រើន​បាន​ដាក់​សម្ពាធ​លើ​ក្រុមហ៊ុន​ផលិត​អាហារ​ផ្អែម ដែល​ជា​ដើម​ចម​នាំ​ឲ្យ​ប្រជាជន​ក្នុង​ពិភពលោក​ប្រឈម​នឹង​ជំងឺ​ធាត់ ទឹក​នោម​ផ្អែម និង​រោគា​ដទៃ​ទៀត។

ក្នុង​មួយ​ថ្ងៃ មនុស្ស​ម្នាក់​មិន​គួរ​ញ៉ាំ​ស្ករ​លើស​ពី​ ២៥ក្រាម ឬ​៦​ស្លាប​ព្រា​កាហ្វេ​ឡើយ ខណៈ​ក្នុង​ភេសជ្ជៈ​សូដា ឬ​ទឹក​ក្រូច​មួយ​កំប៉ុង​មាន​ផ្ទុក​ស្ករ​១០​ស្លាប​ព្រា​កាហ្វេ​រួច​ទៅ​ហើយ៕

0

Comments

Please, login or register to post a comment