Search form

Login - Register | FOLLOW US ON

Logo of Phnom Penh Post newspaper Phnom Penh Post - រំដួល​លិចទឹក ឡើង​កូដ​សិល្បៈ តែខ្វះ​សម្ភារ​ក្នុងស្រុក​តែងខ្លួន

Content image - Phnom Penh Post
រំដួលលិចទឹក (រូប​ដោត​ផ្កា​លើ​ក្បាល​) ត្រៀម​សម្ដែង​ចម្រៀង​។ វុទ្ធី

រំដួល​លិចទឹក ឡើង​កូដ​សិល្បៈ តែខ្វះ​សម្ភារ​ក្នុងស្រុក​តែងខ្លួន

ភ្នំពេញ: ជាមួយ​ទេពកោសល្យ​តុបតែង​ខ្លួន​ប្លែកៗ ដោយ​ការយក​ស្លឹកឈើ​ស្រោប​កាយច្នៃ​ជាសម្លៀក​បំពាក់ និងតែង​ពាក់​ផ្កាកំប្លោក​ដាក់​លើក្បាល បុរស​ម្នាក់​មាន​ជំនាញ​ជាអ្នក​ផាត់មុខ និង​ធ្វើសក់ ឈ្មោះថ្មី​ជា «រំដួល​លិចទឹក» ទាំងសូរ​ឈ្មោះ​ពីរោះ មាន​ទីផ្សារ​ការងារ​សិល្បៈ​កើន​ទ្វេដង រហូត​ត្រូវបាន​បណ្តា​កម្មវិធី​សិល្បៈ​ធំៗ​មិន​រំលង​វត្តមាន រំដួល​លិចទឹក។ ប៉ុន្តែ​ទន្ទឹមនេះ រំដួល​លិចទឹក ប្រែជា​ត្អូញត្អែរថា ខ្លួនជួប​ផលវិបាក​ខ្លាំង ពេល​កាន់តែ​ល្បី។

ឱកាស​លេច​វត្តមាន​ដំបូង​ក្នុងក្រុម​តារា​ចម្រៀង និងតារា​សម្តែង​ល្បី​យ៉ាងច្រើន​កុះករ ផ្អើល​ភូមិ​ជើងភ្នំ​នៅក្បែរ​ភ្នំប្រសិទ្ធិ៍​កាលពី​ពេលថ្មីៗ ក្រោម​ការរៀបចំ​កម្មវិធីថត​ចម្រៀង​វ៉ុល​ពិសេស​អបអរ​ពិធីបុណ្យ​ចូលឆ្នាំ ប្រពៃណី​ខ្មែរ​របស់​ផលិតកម្ម​ថោន រំដួល​លិចទឹក ដែលមាន​ជំនាញ​ផាត់មុខ និង​ធ្វើសក់ ឈ្មោះ​ដើម ម៉ិញ ចាន់វាន់ដា ដែលបង្ហាញ​អំពី​អារម្មណ៍​សប្បាយផង រំភើបផង ដែល​ទទួលបាន​ឱកាស​សម្តែង​ការងារ​សិល្បៈ​រួមតារា​ល្បីៗ ថា៖ «ការថត MV ចូលឆ្នាំ​ខ្មែរនេះ​ប្រើពេល​អស់​គឺជិត ២០ ម៉ោង ពោល​តាំងពី​ម៉ោង ៩ ព្រឹក ដល់ ៤ ភ្លឺ ទើបចប់ រួមនឹង​សិល្បករ សិល្បការិនី ជា​តារា​ចម្រៀង និង​តារា​សម្តែង​ល្បីៗ​ជាច្រើន។ ទោះបី​ហត់មែន ប៉ុន្តែ​សប្បាយ​ពេលបាន​ជុំគ្នា​បែបនេះ»។

បុរសចរិត​ស្រីនិយម​តែងខ្លួន​ប្លែកៗ​នេះ សារភាព វាជា​លើកដំបូង​គាត់បាន​សម្តែង​សិល្បៈ​ធំ ក្រោម​ឈ្មោះ រំដួល​លិចទឹក។ រំដួល​លិចទឹក បាន​បង្ហាញថា គាត់​បាន​ដើរតួ​សំខាន់​ម្នាក់ដែរ​របស់​ផលិតកម្ម​ថោន ដែល​សម្តែង​ក្នុងបទ​របស់​តារាចម្រៀង មាស សុខសោភា តារាចម្រៀង​ខ្មែរ សុរិន្ទ ខុង ឃុយ និងកញ្ញា ឈិត សុវណ្ណ​បញ្ញា។

គាត់​បន្ថែមថា ការសម្តែង​ពីការតុប​តែង​ខ្លួនប្លែកៗ យកប្រាក់​រៀលខ្មែរ​ធ្វើជា​ផ្កាកុលាប ពីផ្កា​ឈូករ័ត្ន​ស្រស់ ស្លឹកត្នោត​កាច់បត់​ធ្វើជា​មកុដ បង្កើន​សម្រស់​ឲ្យ​រំដួល​លិចទឹក។ គាត់​អះអាងថា សព្វថ្ងៃ​ការងារ​សិល្បៈ​កាន់តែ​មានការ​ចាប់អារម្មណ៍​ហៅថត​ច្រើន ទាំង​ផលិតកម្ម និង​បណ្តា​កម្មវិធី​សិល្បៈធំៗ​ដែល​ធ្វើឲ្យ​គាត់កាន់​តែមាន​ក្តីសង្ឃឹម​ចំពោះ​ការងារ​សិល្បៈ។ តែ​ក៏កាន់តែ​ជួបការ​លំបាក​ដែរពេល​កាន់តែ​ល្បីនេះ។

កញ្ញា​បញ្ជាក់ថា៖ «រាល់ការ​តែងខ្លួន តាម​ការច្នៃ​ម៉ូដប្លែកៗ​នេះ គឺប្រើ​វត្ថុធាតុដើម​ធម្មជាតិ​ខ្មែ​រពិតៗ ដូចជា ផ្កាកុលាប ក្នុងផ្សារ​លក់​មិនខ្វះ​ទេ តែជា​របស់​នាំពី​ប្រទេស​គេ។ ខ្ញុំយក​មកប្រើប្រាស់​អ៊ីចឹង​ហើយ ដែលជា​ការលំបាក​របស់ខ្ញុំ។ រាល់ការ​តែងខ្លួន​ពីផ្កា ខ្ញុំរក​ផ្កាដាំ​ក្នុងស្រុក​ឲ្យ​ទាល់តែ​បាន ទោះ​នៅឆ្ងាយ​ដល់ណា។ ដាច់ខាត ខ្ញុំ​មិនយក​ផ្កាពី​បរទេស​ទេ»៕

0

Comments

Please, login or register to post a comment