Search form

Login - Register | FOLLOW US ON

Logo of Phnom Penh Post newspaper Phnom Penh Post - រ៉េត ស៊ូហ្សាណា ទទួល​យក​ការ​រិះគន់​ថា​ច្រៀង​អង់គ្លេស​បន្លំៗ

Content image - Phnom Penh Post
កញ្ញា ស៊ូហ្សាណា ពេល​ច្រៀងបទ Shape of You​​។ ហ្វេសប៊ុក​

រ៉េត ស៊ូហ្សាណា ទទួល​យក​ការ​រិះគន់​ថា​ច្រៀង​អង់គ្លេស​បន្លំៗ

ភ្នំពេញៈ ខណៈ​ដំណើរ​ទៅលើ​វិស័យ​សិល្បៈ​ចម្រៀង​ក៏​កាន់តែ​លេច​ធ្លោ​ក្រោម​ទ្រនំ​ហង្ស​មាស ពិសេស​ការ​ស្រូប​យក​ប្រជាប្រិយ​ពីបណ្តា​មិត្ត​អ្នកគាំទ្រ​ជាយុវវ័យ អតីត​បេក្ខនារី​ប្រឡង​ចម្រៀង The Voice Cambodia 2 រដូវ​កាលទី ២ កញ្ញា រ៉េត ស៊ូហ្សាណា តារា​ចម្រៀង​ស្រី​វ័យក្មេង សម្រស់​ស្រស់​សោភា ដែល​កំពុង​កាក់​កប​ទីផ្សារ​ឡើង​ឆាក​តន្ត្រី​តាម​ខេត្ត​ជាប់​រដឹក​នោះ ថ្មីៗ​នេះ​បានរង​ព្រនង់​ពាក្យ​រិះគន់​ពី​មហាជន​ជាមួយ​នឹង​បទ​ច្រៀង​ជា​ភាសា​អង់គ្លេស Shape of you ថា​នាង​ច្រៀង​មិន​ច្បាស់​បែប​បន្លំៗ​ស្ដាប់​មិន​បាន។

បេក្ខនារី​ដែល​ធ្លាក់​ត្រឹម​វគ្គ​ពាក់កណ្តាល​ផ្តាច់​ព្រ័ត្រ នៃ​កម្មវិធី​ប្រឡង​ចម្រៀង​លំដាប់​ពិភពលោក The Voice Cambodia 2 រដូវ​កាល​ទី ២ កញ្ញា រ៉េត ស៊ូហ្សាណា ដែល​មុន​នោះ មាន​ឈ្មោះ​នៅក្នុង​បញ្ជី​កំពូល Top 10 Best Blind Auditions of 2016-The Voice Global កន្លង​មក​នេះ ហាក់​ដូចជា​មិនបាន​អាក់អន់​ស្រពន់​ចិត្ត​នឹង​ការរិះគន់​ឡើយ ដោយ​នាង​បាន​ប្រាប់ ភ្នំពេញ ប៉ុស្តិ៍​វិញ​ថា៖ «នាង​ខ្ញុំ​មិនបាន​ខឹង​សម្បា ឬ​អន់​ចិត្ត​នឹង​បងប្អូន​ជា​មហាជន​គាំទ្រ​ឡើយ។ ផ្ទុយ​ទៅវិញ​មាន​តែ​អរគុណ​ពួកគាត់​ចំពោះ​ការបញ្ចេញ​មតិ​យោបល់​ទាំងអស់​នោះ ព្រោះថា​នេះ​ក៏អាច​រាប់ទុក​ថា​ជា​បទពិសោធ​ដំបូង​មួយ​សម្រាប់​នាងខ្ញុំ​ដែរ ខណៈ​វាជា​បទ​ចម្រៀង​ថ្មី​របស់​ខ្ញុំ»។

ចាប់​តាំងពី​ត្រូវបាន​ទស្សនិក​ជន​ស្គាល់​តាមរយៈ​កម្មវិធី The Voice Cambodia 2 របស់​ទូរទស្សន៍​ហង្សមាស និង​បាន​ក្លាយ​ជា​តារា​ចម្រៀង​ស្រីក្មេង​ជាងគេ កញ្ញា រ៉េត ស៊ូហ្សាណា ដែល​កំពុង​រៀន​ថ្នាក់​ទី ១២ នៅ​ឡើយ​ក្នុង​ឆ្នាំ ២០១៧ នេះ​ត្រូវបាន​មហាជន​ទូទៅ​ធ្លាប់​បាន​លួច​សរសើរ​ចំៗ​ថា ជា​យុវតី​ខ្មែរ​មាន​ទេពកោសល្យ​មួយ​រូប ដែល​អាច​ច្រៀង​ចម្រៀង​ជា​ភាសា​អង់គ្លេស​បានល្អ​សឹងតែ​ដូច​នឹង​ម្ចាស់​សំនៀង​ដើម។

យ៉ាងណា​ការ​បង្ហើរ​សំនៀង​ជា​ភាសា​បទ Shape of you ជាបទ​របស់​តារា​ចម្រៀង​អង់គ្លេស​លោក Ed Sheeran នៅក្នុង​កម្មវិធី​ប្រគំ​តន្ត្រី​ទេសចរណ៍​របស់​ក្រុមហ៊ុន​ភេសជ្ជៈ មួយ​នា​រាត្រី​ថ្ងៃ​សៅរ៍​កន្លងមក ស្រាប់​តែ​ធ្វើឲ្យ​តារា​ចម្រៀង​ស្រី​សាច់​សខ្ចី​កូន​កាត់​ចិន​រូបនេះ​រងការ​រិះគន់​មិនតិច​ឡើយ​ជាមួយ​នឹង​ពាក្យ​ពេចន៍​បែប​ឌឺដង​ស៊កសៀត​បែប​លេង​សើច​ថា៖ «បើជា​បទថ្មី​មិន​ចាំច្បាស់ ម៉េច​ក៏នាង​ហ៊ាន​លើក​យកមក​ច្រៀង ឬថា បើ​មិន​ចាំច្បាស់​កុំយក​មក​ច្រៀង​ធ្វើ​អី»។

គួររំឭក​ផងដែរ​ថា កញ្ញា រ៉េត ស៊ូហ្សាណា នៅ​វគ្គ The Blind Audition កូន​ក្រុម​របស់​គ្រូបង្វឹក​កញ្ញា ឱក សុគន្ធ​កញ្ញា រូបនេះ បាន​ច្រៀង​បទ «The Power of Love» ដ៏​ពីរោះ ដែល​ទទួល​បាន​ការគាំទ្រ​យ៉ាង​ខ្លាំង ហើយ​នៅ​វគ្គ Live Show Week 2 ច្រៀង​បទ «My heart will go on» ដែល​មហាជន​បន្ត​គាំទ្រ​ឲ្យ​ទៅដល់​វគ្គ Live Show Week 3 នាង​បាន​ច្រៀង​បទ «Rollin in deep» ក្នុង​កម្មវិធី​ប្រឡង​ចម្រៀង The Voice Cambodia 2។

ឆ្លងកាត់​ការរិះគន់ តារា​ស្រី​វ័យ ១៧ ឆ្នាំ​រូប​នេះ ក៏បាន​បង្ហើប​ពី​ចំណាប់អារម្មណ៍​ក្នុងការ​តាំងចិត្ត​ដែរ​ថា៖ «នាង​ខ្ញុំ​សន្យា​ថា នឹង​ខិតខំ​ប្រឹងប្រែង​ធ្វើ​ឲ្យបាន​កាន់តែ​ល្អ​សម្រាប់​បទ​ក្រោយៗ បន្ទាប់​ពីមាន​បទពិសោធ​ខុស​ឆ្គង​មួយ​នេះ​ទៅ»៕

0

Comments

Please, login or register to post a comment