ក្រុងម៉ានីល: កងកម្លាំងហ្វីលីពីន បានស្វាគមន៍មន្ដ្រីកែភេទដំបូងបំផុត ដែលបានចូលស្បថក្នុងសមាជិកសភាជាន់ខ្ពស់ ជាទាហានបម្រុងម្នាក់។ នេះបើយោងតាមក្រសួងការពារជាតិ បានឲ្យដឹងពីថ្ងៃពុធ។
ជើរ៉ាល់ឌីន រ៉ូម៉ាំង អាយុ ៥០ ឆ្នាំ ដែលបានក្លាយជាបុគ្គល កែភេទដំបូងបំផុតក្នុងប្រទេសប្រកាន់នូវលទ្ធិសាសនាកាតូលិកជាធំ ដោយបានជាប់ឆ្នោតសភាជាន់ខ្ពស់ក្នុងឆ្នាំ ២០១៦ បានចូលស្បថកាន់តំណែងពីថ្ងៃពុធសប្ដាហ៍មុន។
អ្នកនាំពាក្យក្រសួងការពារជាតិ អាសេនីញ៉ូ អានដូឡុង បានឲ្យដឹងនៅក្នុងសេចក្ដីថ្លែងការណ៍ថា៖ «គាត់ជាមន្ដ្រីកែភេទដំបូងក្នុងកងកម្លាំងជាតិហ្វីលីពីន»។
សេចក្ដីថ្លែងការណ៍បានបន្ដថា លោកស្រី រ៉ូម៉ាំង ត្រូវបានតែងតាំងជាវរសេនីយ៍ទោ ក្នុងកងកម្លាំងបម្រុង រួមជាមួយសហការី ២ នាក់មកពីសមាជិកសភាជាន់ទាប។
ប្រសូតក្នុងគ្រួសារអ្នកនយោបាយលេចធ្លោនៅក្បែរទីក្រុងម៉ានីល លោកស្រី រ៉ូម៉ាំង បានកែភេទពីប្រុសមកស្រីនៅក្នុងទសវត្សរ៍ឆ្នាំ ១៩៩០។
សេចក្ដីថ្លែងការណ៍បានដកស្រង់សម្ដីលោកស្រីក្នុងអំឡុងពេលប្រារឰពិធីថា៖ «សង្គ្រាម និងគ្រោះមហន្ដរាយមិនស្គាល់ភេទណាជាភេទណានោះទេ វាប៉ះពាល់មនុស្សគ្រប់រូប ហើយយើងត្រូវតែការពារ និងបម្រើសហគមន៍ ព្រមទាំងជាតិរបស់យើង»៕