ភ្នំពេញ: កាលពី​កុមារភាព វេជ្ជបណ្ឌិត កា ស៊ុនបូណាត បាន​សម្គាល់​ឃើញ​ថា ឪពុក​ម្ដាយ​របស់​លោក​ដែល​ធ្លាប់​រស់ក្នុង​ចម្បាំង​រវាង​បារាំង ជប៉ុន និង​ថៃ​អំឡុង​សង្គ្រាម​លោក​លើក​ទី​២ ពេល​ខ្លះ​បង្ហាញ​អាកប្បកិរិយា​ប្លែកៗ​។ ជាក់ស្ដែង ម្ដាយ​របស់​លោក​តែង​និយាយ​ខ្សឹបៗ​មិន​ប្រក្រតី ហើយ​ឪពុក​ជា​គ្រូបង្រៀន​ដែល​ធ្លាប់​តែ​មាន​អារម្មណ៍​ស្ងប់ និង​រីករាយ​ជា​ប្រចាំ​បែរ​ជា​ស្រែក​គំហក​ខ្លាំងៗ​ក្នុង​ពេល​គាត់​ធុញថប់​។