ភ្នំពេញ: បើ​ទោះ​ជា​ឃ្លាតឆ្ងាយ​ពី​ប្រទេស​កំណើត និង​ការងារ​សិល្បៈ​ផង​នោះ តារាសម្តែង​ដែល​វេចសម្ពាយ​ទៅ​រស់នៅ​លើ​ទឹកដី​មហាអំណាច​សម្បូរ​ដុំ​ដុល្លារ​តាម​ប្តី​ជា​វេជ្ជបណ្ឌិត អ្នកនាង សារ៉ាយ សក្ខណា ក៏​ល្បី​នៅ​មាន​ផលិតកម្ម​ក្នុង​ស្រុក​តាម​ទំនាក់ទំនង​យ៉ាង​ស្អិត ហៅ​មក​ឲ្យ​ទទួល​តំណែង​ជា​តួឯក​ជា​បន្តបន្ទាប់។ បញ្ជាក់​ពី​ទីផ្សារ​ក៏​នៅ​មាន បើ​ទោះ​ជា​វត្តមាន​ស្ថិត​នៅ​ឆ្ងាយ​រាប់រយ​យោជន៍​ពី​កម្ពុជា​នោះ​អ្នកស្រី សាត សម្ផស្ស ប្រាប់​ថា៖ «មាន​ផលិតកម្ម​ភាពយន្ត​និង​ក្រុមហ៊ុន នៅ​តាម​ទាក់ទង​មក​មិន​ដាច់​ទេ ចង់​ឲ្យ សក្ខណា ថត​ឲ្យ​»។