Search form

Login - Register | FOLLOW US ON

Logo of Phnom Penh Post newspaper Phnom Penh Post - ស្ដ្រី​សិង្ហបុរី​ដាក់​ផ្ទះជួល រួចមក​រស់នៅ​ក្នុង​អាកាសយានដ្ឋាន​ជាង ៨ ឆ្នាំ

Content image - Phnom Penh Post
ស្ដ្រី​សិង្ហបុរី​វ័យ ៥០ ឆ្នាំ មករស់នៅ​ក្នុង​អាកាសយានដ្ឋាន​រហូត​ដល់ ៨ ឆ្នាំ​។

ស្ដ្រី​សិង្ហបុរី​ដាក់​ផ្ទះជួល រួចមក​រស់នៅ​ក្នុង​អាកាសយានដ្ឋាន​ជាង ៨ ឆ្នាំ

ក្រុងសិង្ហបុរី: ស្ដ្រីវ័យ ៥០ ឆ្នាំម្នាក់់​រស់នៅ​ក្នុង​អាកាសយានដ្ឋាន Changi Airport ប្រទេស​សិង្ហបុរី អស់​ពេល ៨ ឆ្នាំ ដោយ​អ្នកស្រី​បានជួល​អាផាតមិន​មាន ៣ បន្ទប់​ឲ្យគេ​ក្នុងតម្លៃ​ប្រមាណ ១ ០០០ ដុល្លារ​ក្នុង​មួយខែ។

ស្ដ្រី ដែល​សុំមិន​បញ្ចេញ​ឈ្មោះ បាន​ប្រាប់​កាសែត​សិង្ហបុរី Lianhe Wanbao ថា អ្នកស្រី​រស់នៅក្នុង Changi Airport តាំងពី​ឆ្នាំ ២០០៨ ក្រោយពី​ជួប​វិបត្ដិ​សេដ្ឋកិច្ច​ពិភពលោក​ធ្ងន់ធ្ងរ។ អ្នកស្រី ជួល​អាផាតមិន​ឲ្យគេ ដោយមាន​បំណង​ធ្វើបែបនេះ​រយៈពេល​ខ្លីដល់​សេដ្ឋកិច្ច​បាន​ប្រសើរ​ប៉ុណ្ណោះ។

ស្ដ្រី​រូបនោះ ប្រាប់ថា អ្នកស្រី​ទទួលទាន​អាហារ​នៅ​អាហារដ្ឋាន​អាកាសយានដ្ឋាន និងហាង​ក្នុង​ផ្សារទំនើប ទៅ​ងូតទឹក និងអាច​ប្រើ​ម៉ាស៊ីនត្រជាក់ និង​អ៊ីនធឺណិត Wi-Fi ដោយ​ឥតគិតថ្លៃ។ ពេលនេះ អ្នកស្រី​ទម្លាប់​ជាធម្មតា។

ប្រាក់ ១ ០០០ ដុល្លារ​ដែល​អ្នកស្រី​ជួល​អាផាតមិន​ឲ្យគេ​ក្នុងមួយ​ខែៗ​ពិតជា​គ្រប់គ្រាន់​សម្រាប់​ការចំណាយ​ស្ដ្រី​ម្នាក់​រស់នៅ​ប្រកបដោយ​ផាសុកភាព តែ​អ្នកស្រី​រំពឹងថា​នឹង​រើចេញ​ក្នុងពេល​ឆាប់ៗ និងរក​ជម្រក​ត្រឹមត្រូវ​វិញ។

អ្នកស្រី បាន​អះអាងថា៖ «ខ្ញុំមាន​បំណង​លក់​ផ្ទះនោះ និង​រកទិញ​ផ្ទះតូច​ត្រឹមតែ ២ បន្ទប់​វិញ»។

គួរឲ្យ​ចាប់អារម្មណ៍ ស្ដ្រី​អាថ៌កំបាំង​នេះ​មិនមែន​មនុស្ស​តែម្នាក់​ដែល​យក​អាកាសយានដ្ឋាន Changi Airport ធ្វើជា​ផ្ទះ​ជ្រកកោន​នោះទេ។ Lianhe Wanbao រាយការណ៍​ថា ជនជាតិ​សិង្ហបុរី​យ៉ាងតិច ១០ នាក់​កំពុងតែ​រស់នៅ​ទីនោះ រួមទាំង ប្ដីប្រពន្ធ​មួយគូ និង​បុរស​ម្នាក់​ឈ្លោះ​ទាស់ទែង​នឹង​សង្សារ និងគេច​ពីការ​រំខាន​ទៅកាន់​អាកាសយានដ្ឋាន​រៀងរាល់​រាត្រី៕

HR

0

Comments

Please, login or register to post a comment