.jpg)
ទីផ្សារលក់ថ្នាំចិនសែនៅហុងកុង ដាក់លក់ស្រកាពង្រូលលីង។ AFP
ក្រុងហុងកុង: ស្ថិត នៅ លើដងវិថីក្រុងហុងកុងដ៏មមាញឹក ដែលហាងនានាព្យួរតាំងផលិតផលក្រៀមៗ ជាគ្រឿងផ្សំថ្នាំចិនសែដ៏មានតម្លៃនៅបន្ដដាក់លក់ ទោះបីជាប់បម្រាមអន្ដរជាតិដែលជាស្រកាពង្រូលកម្រលីងកម្លោចជាដើម។
ពង្រូលស្រកាក្រាស់បានក្លាយជាសត្វជួញដូរច្រើនបំផុតលើផែនដី ដោយសារតែតម្រូវការដ៏ខ្ពស់នៅប្រទេសចិន និងវៀតណាម។ ខណៈស្រការបស់វាមានតម្លៃខ្ពស់សម្រាប់ប្រើជាឱសថបុរាណក្នុងការព្យាបាលជំងឺជាច្រើន ចាប់ពីមុនរហូតដល់ជំងឺថ្លើម និងមហារីក សាច់របស់វាក៏មានរសជាតិឈ្ងុយឆ្ងាញ់ផងដែរ។
ទោះជាអន្តរជាតិដាក់បម្រាមជួញដូរ តែហាងលក់ថ្នាំចិនសែ ក្នុងក្រុងហុងកុង នៅតែបន្ដដាក់លក់ស្រកាពង្រូល និងខ្លះក្នុងសណ្ឋានលីងកម្លោចតម្លៃចាប់ពី ៦៥ ទៅ ៨០ ដុល្លារក្នុងបរិមាណតែ ៤០ ក្រាម។
នាយកដ្ឋានគយ និងរដ្ឋាករ ក្រុងហុងកុង អះអាងថា ពួកគេប្រយុទ្ធប្រឆាំងនឹងសកម្មភាពរត់ពន្ធ និងធ្វើការត្រួតពិនិត្យលើ អ្នកដំណើរ អីវ៉ាន់ កញ្ចប់ប្រៃសណីយ៍ និងកញ្ចប់បញ្ញើតាមប៉ុស្ដិ៍ និងព្រំដែនសមុទ្រ។
ចំនួនស្រកាពង្រូលដែលរកឃើញនៅក្នុងក្រុងហុងកុង បានកើនឡើងពី ១,៤ តោន នៅឆ្នាំ ២០១៦ ទៅ ៧,៧ តោន នៅឆ្នាំ ២០១៧៕
