ភ្នំពេញ: ក្រោយ​ពី​ព្យុះ​ជីវិត​បោក​បក់​ ឆ្លង​កាត់​ទាំង​ហិង្សា​ផ្លែ​កាំបិត​បន្សល់នូវ​ស្លាក​ស្នាម​លើ​ប្រាណ​ អតីត​តារាសម្ដែង​សិចស៊ី​ សាច់​សខ្ចី​អ្នក​នាង កែវ សូរិយា ត្រូវ​បាន​គេ​រាយការណ៍​ថា​នាង​បាន​ទទួល​មរណភាព​ហើយ​កាលពី​ថ្ងៃទី ២២ ខែតុលាឆ្នាំ​២០១៧ វេលាម៉ោង ៤​រសៀល​ដោយ​បន្សល់នូវ​តំណក់​ឈាម​កូនស្រី​ម្នាក់​ ពីចំណង​អាពាហ៍​ពិពាហ៍​ជាមួយ​អតីត​ស្វាមី​ជា​មន្ត្រី​យោធា ហើយ​បំណង​ប្រាថ្នា​វិលរក​​វិថី​​សិល្បៈ​ក៏​ពុំ​ទាន់​​បាន​សម្រេច​​នៅ​ឡើយ​​។