Search form

Login - Register | FOLLOW US ON

Logo of Phnom Penh Post newspaper Phnom Penh Post - អ្នកធានា​តារាទៅ​សម្តែង​នៅ​ បារាំង ​នាំ​អ្នក​សិល្បៈ​ជួយ​​គ្រួសារ​ទុរគត​ និង​កុមារ​នៅ​ ​គន្ធ​បុប្ផា​

Content image - Phnom Penh Post
អ្នកស្រី លី សុខុន និង តារាចម្រៀង ស៊ុន ស្រីពេជ្រ ទៅ​ជួប​កុមារ​នៅមន្ទីរពេទ្យ​គន្ធបុប្ផា។ រូបថត ស៊ូ វុទ្ធី

អ្នកធានា​តារាទៅ​សម្តែង​នៅ​ បារាំង ​នាំ​អ្នក​សិល្បៈ​ជួយ​​គ្រួសារ​ទុរគត​ និង​កុមារ​នៅ​ ​គន្ធ​បុប្ផា​

ភ្នំពេញ: អ្នក​ធានា​តារា​ទៅ​​សម្តែង​នៅ​បារាំង​ និង​ជា​ប្រធាន​សមាគម​កុមារ​កំព្រា​នៅ​ប្រទេស​បារាំង​ ដែល​វិវត្ត​ខ្លួន​ចេញ​ពី​សាវតា​ជីវិត​ក្មេង​កំព្រា​តាំង​ពី​អាយុ​ ១៤ ​ឆ្នាំ បាន​ផ្ដួចផ្ដើម​ទង្វើរ​សប្បុរសធម៌​​នាំ​តារា​ខ្មែរ​ទៅ​ជួយ​គ្រួសារ​ក្រីក្រ និង​កុមារ​ឯ​មន្ទីរពេទ្យ​គន្ធបុប្ផា​ កាល​ពីថ្ងៃ​ទី​១០ និង​១១ ខែ​មករា​នេះ។

អ្នកស្រី លី សុខុន ​អ្នក​ធានា​តារា​សម្តែង​ទៅ​​សម្តែង​នៅ​បារាំង​ ហើយ​ក៏​ប្រធាន​សមាគម​កុមារ​កំព្រា​នៅ​ប្រទេស​បារាំង​ បាន​បញ្ជាក់​ថា៖ «ខ្ញុំ​មើល​នូវ​ភាព​សង្វេក​ពី​គ្រួសារទុ​រគត​រស់​ទាំង​មហា​វេទនា ចំណុះ​ដោយ​សមាជិក​គ្រួសារ​ចំនួន ៦ នាក់​ ក្នុង​កូន​ខ្ទម​ទំហំ​ពី​រម៉ែត្រ​គុណ​នឹង​មួយ​ម៉ែត្រ​កន្លះ ពី​ការ​ផ្សព្វ​ផ្សាយ​ រស់​ក្រោម​សម្ពាធ​បរិយាយ​កាស​ដ៏​ល្វឹង​ល្វើយ​ នៅ​លើ​​ទី​វាល​ឆ្ងាយ​ដាច់​ពី​ផ្ទះ​​អ្នក​ភូមិ​ជុំវិញ​ជិត​ពីរ​គីឡូ​ម៉ែត្រ​ នៃ​ភូមិសាស្រ្ត​ភូមិសូភី ឃុំ​ជើងគ្រៀវ​ ស្រុក​រលាប្អៀរ​ខេត្ត កំពង់ឆ្នាំង ទ្រាំ​ទប់​​អារម្មណ៍​មិន​បាន​ក៏​​ឡើង​យន្ត​ហោះ​មក​ស្រុក​ខ្មែរ​ ដើម្បី​ទៅ​ជួប​គ្រួសារ​ទុរគត​នេះ ជាមួយ​នឹង​តារា​ចម្រៀង​ល្បី​ៗ​ដែល​ខ្ញុំ​ធានា​ទៅ​​ច្រៀង​នៅ​បារាំង»។

Content image - Phnom Penh Post
តារាចម្រៀង​លោក ខេម និង​អ្នកស្រី​ លី សុខុន ទៅ​ជួបគ្រួសារ​ក្រីក្រ​នៅ​ខេត្ត​កំពង់ឆ្នាំង។ រូបថត ស៊ូ វុទ្ធី

អ្នកស្រី លី សុខុន ដែល​មិន​ភ្លេច​រំឭក​អតីត​កាល​ថា ក៏​ធ្លាប់​​ហែល​ក្នុង​ជីវិត​ជាក្មេង​កំព្រា​ តាំងពី​អាយុ ១៤ឆ្នាំ​ឪពុក​ម្តាយ​ស្លាប់​ចោល ប្រឹង​រស់​តស៊ូ ខ្លួន​មួយ​រហូត​ក្លាយ​​ជា​ប្រធាន​សមាគម​កុមារ​កំព្រា​នៅ​បារាំង អ្នក​ស្រី​បាន​ពោល​ថា៖​ «ខ្ញុំ​ពិត​សង្វេគ​ណាស់​ ដែល​​ដឹង​ថានៅ​ស្រុក​ខ្មែរ​ ខេត្តកំពង់ឆ្នាំង​មាន​គ្រួសារ​ទុរគត​ រស់​នៅ​ម៉ង់ៗ​កណ្តាល​វាល​ព្រៃស្រែ ទាំង​កូន​ក៏ច្រើន ៦ នាក់ ប្តី​ក៏​វិកលចរិក ទាំងចិត្តខ្ញុំ​ក៏​ដិតជាប់​នូវ​ទឹក​​ចិត្ត​មនុស្សធម៌​ និង​គាប់​ជួន​ខ្ញុំ​ធានា​តារា​ចម្រៀង​ទៅ​ពី​ខ្មែរ​ កញ្ញា ស៊ុន​  ស្រីពេជ្រ លោក ​ ជិន ​វឌ្ឍ​នា ​ និង​កញ្ញា ​ សូ​ ដាណេ ក៏​នាំ​ពួក​គេ​ធ្វើ​ការចែក​អំណោយ​មុន​​ឡើង​យន្ត​ហោះ​ទៅ​សម្តែង​នៅ​បារាំង​»។

ពីវត្តមាន​ស្វែង​​ទៅ​​ដល់​ទី​ចុង​កាត់​មាត់​​ញក​ ឆ្លង​​ព្រៃ​វាល​​ដាច់​ស្រយាល ក្នុង​ភូមិ​​សូភី ឃុំ​ជើង​គ្រៀវ​ ស្រុក​រលា​ប្អៀរ​ ដល់​ទី​​ខ្ទម​កម្សត់​​របស់​គ្រួសារ​ទុរគត​​ ដែលមាន​ប្តី​ឈ្មោះ ភិន រឿន វិកលចរិក និងប្រពន្ធឈ្មោះ សូត រី ដោយ​មិន​មាន​វត្តមាន​តារាចម្រៀង​ល្បី​ ស៊ុន ស្រីពេជ្រ ជំនួស​​ដោយ កញ្ញា សូ ដាណេ និង​តារាចម្រៀង​លោក ខេម។

Content image - Phnom Penh Post
តារាចម្រៀង ស៊ុន ស្រីពេជ្រ ទៅ​ជួប​កុមារ​នៅមន្ទីរពេទ្យ​គន្ធបុប្ផា។ រូបថត ស៊ូ វុទ្ធី

អ្នក​ស្រី លី សុខុន បន្ថែម​ថា៖​ «រឹតតែសង្វេគ​​ដែលបាន​ទៅ​ដល់​ទី​ខ្ទម​គាត់រស់​នៅ​ដាច់ពីភូមិ ដែលកូនគាត់​​តូចៗអត់បាយ​ញ៉ាំ​ ពេលខ្លះ​ដើ​រ​ជីក​ដំឡូង​មកស្ងោរហូបជំនួញ​បាយ​ក៏មាន​។ ដែលធ្វើឲ្យ​ខ្ញុំរឹកតែក្តុក​​ក្តូល​ក្នុង​ចិត្ត​ ប៉ុន្តែ​​ក៏រីករាយ បាននាំតារាចុះ​ទៅជួប​គាត់​ផ្ទាល់​ និង​បាន​ជួន​អំណោយ​ដោយ​ផ្ទាល់​ដៃ​»។

ក្រោយ​​​ពេល​វេលាស្វែង​រក​​គ្រួសារ​ទុរគត និង​បាន​ជួន​អំណោយ​ដោយ​ផ្ទាល់​​ដៃ​នោះ​ អ្នកស្រី លី សុខុន នៅ​ព្រឹក​​ថ្ងៃ​ទី ​១១ ខែ ​មករា ក៏​​នាំ​តារា​ចម្រៀង​ល្បី​ មាន​លោក ខេម និង​កញ្ញា ស៊ុន ស្រីពេជ្រ នាំ​យក​ថវិកា​ ដែល​អ្នកស្រី​ប្រមូល​បាន​ពី​ការ​ធានា​តារា​ទៅ​ច្រៀង​នៅបារាំង​មក​ផ្តល់​ជួន​មន្ទីពេទ្យ​គន្ធ​បុប្ផា​ ​ និង​​ចែក​អំណោយ​មនុស្ស​ធម៌​​ដល់​ក្មេង​មកសម្រាកព្យាបាល​ជំងឺនៅ​មន្ទីរ​ពេទ្យ​ទេវតា​នេះ​ផង​ដែរ​។

អ្នកស្រី​​បញ្ជាក់​ដែរថា៖ «អំណោយ​ទាំង​ចែក​​ជូន​គ្រួសារ​ទូរគត​នៅ​កំពង់ឆ្នាំង និងមន្ទីរ​ពេទ្យ​គន្ធបុប្ផា​និង​មាន​ការ​រួម​ចំណែក​ពី​ លោក ឡាំ សេន ប្រធាន​សមាគមន​ថែ​រក្សា​វប្បធម៌ ទីក្រុង​លីយ៉ុង ប្រទេស​បារាំងផង​ដែរ​»៕

0

Comments

Please, login or register to post a comment