ព្រះសីហនុ: ស្ថិតនៅ​ចុងផុត​នៃទី​ប្រជុំជន​លើដែនដី​អភិរក្ស​ឧទ្យានជាតិ​រាម ឆ្នេរព្រែកចាក​ក្នុងចំណោម​ឆ្នេរសមុទ្រ​រាម ឆ្នេរកោះ​សំពោធ (កោះ​រាជបុត្រ) និងឆ្នេរ​មាសឆ្នេរ​ប្រាក់ ជាទីឋាន​ដ៏​ស្ងប់ស្ងាត់​រំលេច​នូវសម្រស់​ឆ្នេរខ្សាច់​ម៉ដ្ឋខៃ​លាតសន្ធឹង​វែងអន្លាយ​ស័ក្ដិសម​សម្រាប់​អ្នកប្រាថ្នា​ជីវិត​ឯកជន ទាំងការ​សម្រាក​លម្ហែ​ដ៏រ៉ូមែនទិក និង​ការអាន​សៀវភៅ លើ​ឆ្នេរក្បែរ​ជើងភ្នំ ជាពិសេស ផ្ទះស្នាក់​ហ៊ុមព័ទ្ធ​ដោយ​រុក្ខជាតិ និងគ្មាន​សំឡេង​យានយន្ដ​រំខាន​ចិត្ដ។