សៀមរាប: មានរឿង​តំណាល​ថា វា​ជា​ទីឋាន​ហ្វូង​ដំរី​ជួប​ប្រជុំគ្នា​លេង​ទឹក​ជម្រះ​កាយធំ​សម្បើម​ប្រចាំ​ឆ្នាំ រហូត​កកើត​ទៅជា​​រណ្ដៅ​ដ៏ល្វឹង​ល្វើយ​ដែល​ប្រជា​ពលរដ្ឋ​បានហៅ​ថា បឹង​ពារាំង​។ ទោះ​ពិត​ ឬ​មិនពិត បច្ចុប្បន្ន​នេះ ​បឹង​ពារាំង​ជា​ជម្រក​សត្វ​ មច្ឆា​ ជាពិសេស សត្វ​ស្លាប​ដ៏កម្រ​រាប់រយ​ប្រភេទ​កំពុង​រស់នៅ​ដ៏សុខសាន្ដ​ក្រោម​កិច្ច​អភិរក្ស​យ៉ាង​ដិតដល់​ និង​ជា​ទស្សនីយភាព​ផ្គាប់​ចិត្ដ​ភ្ញៀវទេសចរ​​ ដែល​ស្រឡាញ់​សត្វ​ និង​ធម្មជាតិ​កម្ពុជា។