សៀមរាបៈ នៅ​ដែនដី​សម្បូរ​ប្រាសាទ​បុរាណ​ខេត្ត​សៀមរាប​មណ្ឌល​វិបស្សនា​អង្គរ​ហ្សិនហ្គាឌិន​រីទ្រីត ​(Angkor Zen Gardens Retreat Centre)​ នឹង​បើក​សម្ពោធ​នៅ​ខែ​ក្រោយ​ហើយ។ មណ្ឌល​ត្រូវ​បាន​បង្កើត​ឡើង​ដោយ​លោក​ប៊្រូណូ​ឡូស្តេ​ជនជាតិ​បារាំង​ដោយ​ទី​នោះ​មាន​កន្លែង​ធ្វើ​សមាធិ​កន្លែង​ហាត់​ក្បាច់គុន​បុរាណ​ចិន​ថៃជិ​និង​ការ​ធ្វើ​យោគៈ​ផង​ដែរ។ មណ្ឌល​លាតសន្ធឹង​លើ​ផ្ទៃដី​២,១​ហិចតា​ដែល​មាន​ចម្ងាយ​៣​គីឡូម៉ែត្រ​ពី​ទីក្រុង​សៀមរាប។