Search form

Login - Register | FOLLOW US ON

Logo of Phnom Penh Post newspaper Phnom Penh Post - ទឹកផុស​ធម្មជាតិ​ហូរឈប់​តាម​ចង្វាក់​កាល​វេលា​ដ៏កម្រ​ក្នុង​លោក

Content image - Phnom Penh Post
ទេសភាព​ដ៏ស្អាត​នៅ​ទឹកផុស Intermittent Spring ដែល​ហូរ និង​ឈប់​តាម​ចង្វាក់​កាលវេលា​។

ទឹកផុស​ធម្មជាតិ​ហូរឈប់​តាម​ចង្វាក់​កាល​វេលា​ដ៏កម្រ​ក្នុង​លោក

ក្រុងញូវយ៉ក: រីតមិក ស្ព្រីងស៍ គឺជា​ទឹកផុស​ធម្មជាតិ​ដែល​រំលេច​នូវ​ទស្សនីយភាព​ទឹកហូរ​តាម​ចង្វាក់​កាល​វេលា​ដ៏​ស្រស់​ស្អាត។

លើស​ពីនេះ កម្ពស់​ទឹក​នៅ​ប្រភព​ទឹកផុស​ទាំង​នេះ​ឡើង និង​ស្រក​អាស្រ័យ​លើ​ពេលវេលា​កំណត់​ជាក់​លាក់។ ជួនកាល ទឹក​ក្ដៅ​ផុស​ស្រាប់តែ​ឈប់​ហូរ រួច​ជ្រាប​ហូរ​ចេញ​វិញ​ក្រោយ​ពី​ប៉ុន្មាន​ម៉ោង ឬ​ប៉ុន្មាន​នាទី​ក្រោយ ទោះជា​មូលហេតុ​ហូរ ឬ​ឈប់​ទៅ​តាម​វេលា​របស់​វាមិន​ត្រូវ​បាន​ដឹង​ច្បាស់​ក្ដី។

វា​ត្រូវបាន​ជឿ​ថា ខ្សែទឹក​លើ​នៃ​ប្រភព​ទឹកផុស​ធម្មជាតិ​នេះ​គឺជា​ទឹក​ល្អាង​ក្រោម​ដី​ដ៏ធំ​ដែល​តែងតែ​ហូរ​ចេញ​ឥត​ឈប់ឈរ។ ផ្លូវទឹក​ពី​ល្អាង​គឺជា​រន្ធ​បំពង់​តូចៗ​ស្ថិត​នៅ​បាត​ល្អាង រួច​កួច​ផ្ដុំគ្នា​ត្រង់​ចំណុត​បត់ហូរ​ជ្រាប​ទៅជា​ប្រភព​ទឹកផុស។

ពេល​ទឹក​ជ្រាប​ពេញ​ល្អាង វាក៏​បំពេញ​បំពង់​ដែរ។ នៅ​ពេល​ទឹក​ឡើង​ដល់​កម្រិត​ខ្ពស់​បំផុត​នៃ​បំពង់ វា​ចាប់ផ្ដើម​ស្រក់​លើ​ចំណុច​បត់ និង​ជ្រាប​ទៅកាន់​ប្រភព​ទឹកផុស។

វា​បង្កើតជា​លទ្ធភាព​ត្រង់​ចំណុច​បត់ ដោយ​ស្រូបទឹក​ចេញពី​ល្អាង​រហូត​ដល់​ហួត​អស់រលីង។ ពេល​កម្ពស់​ទឹក​ស្រក​ក្រោម​ផ្លូវហូរ​របស់​វា ខ្យល់​ចូលក្នុង​បំពង់​ដោយ​ផ្ដាច់​ទឹក​ក្នុង​ចំណុច​បត់ ហើយ​ទឹកផុស​ក៏ឈប់​ហូរ​តែម្ដង។ បន្ទាប់​មក កម្ពស់​ទឹក​ក្នុង​ល្អាង​ចាប់ផ្ដើម​ឡើងវិញ រួច​ចរន្ដ​ហូរ​ឈប់​ក៏កើត​មាន​សាជា​ថ្មី។

រីតមិក ស្ព្រីងស៍ គឺជា​បាតុភូត​ធម្មជាតិ​ដ៏​កម្រ។ យោង​តាម​ការសិក្សា​មួយ បាន​បង្ហាញ​ថា នៅ​ក្នុង​ពិភពលោក​នេះ​ប្រភេទ​ទឹកផុស​ហូរ​តាម​ចង្វាក់​នេះ​មាន​មិន​ដល់ ១០០ ទីតាំង​ឡើយ។

ទឹកផុស​ហូរជា​ចង្វាក់​ធំ​បំផុត​ក្នុង​លោក​គឺ Intermittent Spring ឬ ហៅ​ថា ទឹកផុស​តាម​កាល​វេលា ស្ថិត​នៅ​រដ្ឋ​វ៉ាយអូមីង សហរដ្ឋអាមេរិក។ បន្ទាប់​មក​គឺ​ទឹកផុស​ធម្មជាតិ the Ebbing and Flowing Spring ស្ថិត​នៅ​រដ្ឋ​ធេណេស៊ី សហរដ្ឋអាមេរិក ដែល​ហូរ​ក្នុង​ល្បឿន ២ ពាន់​ម៉ែត្រ​ក្នុង ១ នាទី និង​រយៈពេល​ហូរ និង​ស្រក ២ ម៉ោង និង ៤៧ នាទី ។

Content image - Phnom Penh Post
ទឹកផុស​ ដែល​ហូរ និង​ស្ងួត ជា​ចង្វាក់​ មាន​ចំនួន​តិច​ណាស់​ក្នុងលោក​។

ទឹកផុស​ហូរ​ឈប់​តាម​កាល​វេលា​ដ៏​ល្បីល្បាញ​មួយ​ទៀត​គឺ Gihon Spring Jerusalem។ វា​ធ្លាប់​ជា​ប្រភពទឹក​ចម្បង​សម្រាប់​ទីក្រុង​ដាវីដ កាលពី​សម័យ​គម្ពីរ​គ្រិស្ដសាសនា។

ទឹកផុស​នេះ​មិន​ត្រឹមតែ​ត្រូវ​បាន​ប្រើ​ជា​ទឹកស្អាត​ប៉ុណ្ណោះ​ទេ ប៉ុន្ដែ​ថែម​ទាំង​ជា​ប្រភព​ស្រោចស្រព​រុក្ខជាតិ ក្នុង​សួន​នៅ​ជ្រលង​គ្រីដូន ដែល​ផ្ដល់​ជា​ធនធាន​អាហារ​សម្រាប់​ពលរដ្ឋ​បុរាណ។

ទឹកផុស​ធម្មជាតិ​ហូរពី ៣ ទៅ ៥ ដង​រៀងរាល់​ថ្ងៃ​នៅ​រដូវរងា ពីរដង​ក្នុង​មួយថ្ងៃ​នៅ​រដូវក្ដៅ ហើយ​តែម្ដង​នៅ​សរទរដូវ។ ដោយសារ​តែ​ទឹកធ្លាក់​ហូរ និង​ស្ងួត​មិន​ទៀងទាត់ ទើប​មានការ​កសាង​អាង​ស្ដុក​ទឹកធំ​មួយ​ក្នុង​ទីក្រុង៕HR

Content image - Phnom Penh Post
ស្លាក​ប្រាប់ពី​​ទឹកផុស​ដែល​ហូរ រួច​ឈប់​ក្នុង​រយៈពេល ១២-១៨ នាទី។

0

Comments

Please, login or register to post a comment

ព័ត៌មានពាក់ព័ន្ធ