Search form

Login - Register | FOLLOW US ON

Logo of Phnom Penh Post newspaper Phnom Penh Post - ទៅលេង​ឆ្នេរ​ មានថ្ម​ខ្លោង​ទ្វារ​ធម្មជាតិ ​មុន​ព្យុះកាច​បក់បាត់

Content image - Phnom Penh Post
ច្រាំង​ថ្ម Azure Window ពេល​មាន​ទម្រង់​ជា​ខ្លោងទ្វារ និង​ក្រោយ​ពេល​ត្រូវ​ព្យុះ​បោក​ផ្ដួលរំលំ​​។

ទៅលេង​ឆ្នេរ​ មានថ្ម​ខ្លោង​ទ្វារ​ធម្មជាតិ ​មុន​ព្យុះកាច​បក់បាត់

ក្រុងវ៉ាឡែត: ខ្យល់​ព្យុះ​កំបុត​ត្បូង និង​រលក​យក្ស​កាលពី​ប៉ុន្មាន​ថ្ងៃមុន​បាន​បំផ្លាញ​ច្រាំង​ថ្ម Azure Window និមិត្ត​រូប ប្រទេស​ម៉ាល់ត៍។

ផ្ទាំង​ថ្មរាង​ខ្លោង​ទ្វារ Azure Window ត្រូវបាន​គេ​ជឿថា វា​ត្រូវបាន​កកើត​ឡើង​តាម​ធម្មជាតិ​នៅ​ពាក់កណ្ដាល​សតវត្សរ៍​ទី ១៩។ ថ្ម​កោងធំ បន្ដុប​ពីលើ​ផ្ទៃ​ទឹក​សមុទ្រ​ខៀវ​ស្រងាត់​គឺជា​រូបភាព​សំខាន់​នៅលើ​ខិត្តប័ណ្ណ​ផ្សព្វផ្សាយ​ទេសចរណ៍​ប្រទេស​ម៉ាល់ត៍។

សំណង់​ធម្មជាតិ Azure Window នៅតែ​អាច​ទ្រាំទ្រ​នឹង​ឥទ្ធិពល​ទឹក​សមុទ្រ​រាប់​រយឆ្នាំ តែព្យុះ​ដែល​បាន​បក់បោក​ប្រទេស​ម៉ាល់ត៍​នាពេល​ថ្មីៗ​នេះ បាន​បំផ្លិច​បំផ្លាញ​ច្រាំងថ្ម​នេះ​រលំ​ចូល​សាគរ​អស់​កាលពី​ព្រឹក​ថ្ងៃពុធ ទី ៨ មីនា កន្លង​មក។

ខណៈ​ដំណឹង​នេះ​ធ្វើឲ្យ​ភ្ញៀវទេសចរ​ជាច្រើន​រំជួល​ចិត្ត ការបាក់​រលំ​តាម​បាតុភូត​ធម្មជាតិ​នេះ​មិនអាច​បង្អាក់​ចិត្ដអ្នក​ថតរូប និងអ្នក​និយម​លេង​ឆ្នេរ​បានឡើយ ពីព្រោះ​វា​នៅមាន​ច្រាំង​ខ្លោងទ្វារ​លើ​ផ្ទៃសមុទ្រ​ជាច្រើន​ទៀត​ក្នុង​ពិភពលោក​ដែល​រង់ចាំ​លោក​អ្នក​ទៅ​ទស្សនា។

Content image - Phnom Penh Post
អេត្រេត​តាត ជា​តំបន់ឆ្នេរ​ដែលជួរ​ផ្ទាំង​ថ្មមាន​ប្រហោង​ដូច​ច្រកទ្វារ​​។

កោះ​អេនហ្គេស៊ូ នៅ​ជប៉ុន

កោះ​អេនហ្គេស៊ូ (Engetsu) មាន​ក្រហូង​ដូចជា​រង្វង់​ព្រះចន្ទ​ពេញវង់ តាក់តែង​ដោយ​ស្នាដៃ​ធម្មជាតិ​ពិតៗ ដែល​ភ្ញៀវទេសចរ​នាំគ្នា​មក​ប្រមូល​ផ្ដុំគ្នា​គយគន់​ថ្ងៃលិច។ កោះ​តូចមួយ​នេះក៏​ត្រូវបាន​រដ្ឋាភិបាល​កំណត់​ជាទី​តាំង​ធម្មជាតិ​ស្រស់ត្រកាល​ប្រចាំ​ជាតិ​ជប៉ុន​ផងដែរ។

អេត្រេតាត ប្រទេស​បារាំង

អេត្រេតតាត (Etretat) ស្ថិតនៅ​ភាគ​ពាយព្យ​ប្រទេស​បារាំង​ល្បីល្បាញ​ចំពោះ​ខ្លោងទ្វារ​ធម្មជាតិ​ដ៏​ស្រស់ស្អាត និង​ច្រាំង​ថ្ម​ពណ៌ស ដែល​ទាក់ទាញ​ក្រុម​អ្នក​និយម​សិល្បៈ​ក្នុង​សតវត្សរ៍​ទី ១៩។

នៅពេល​ទឹកនាច ភ្ញៀវទេសចរ​អាច​ដើរកាត់​ចម្លាក់​ខ្លោងទ្វារ​ធម្មជាតិ។ វាបាន​កកើត​ឡើង​ដោយ​ទឹកទន្លេ​ក្រោមដី​ដែល​ហូរស្រប​ទៅកាន់​ដីឆ្នេរ តែ​ទឹកសមុទ្រ​បាន​បោកបក់​ពង្រីក​កាន់តែ​ធំ។

Content image - Phnom Penh Post
កោះ​អេន​ហ្គេស៊ូ ដែល​មាន​ច្រកទ្វារ​ចន្លោះ​ថ្ម​ពីធម្មជាតិ​ នៅ​ទឹកដី​​ជប៉ុន។

ល្អាង​ខៀវ កោះ​ហ្សាគីនថូស ប្រទេស​ក្រិក

គ្មានអ្វី​ភ្ញាក់ផ្អើល ល្អាង​ខៀវ បាន​ទទួល​ឈ្មោះ​នេះ ដោយសារ​តែទឹក​ពណ៌​ខៀវ​ដ៏អស្ចារ្យ និងជា​គោលដៅ​ទេសចរណ៍​ដ៏ទាក់ទាញ​បំផុត​មួយ​លើ​កោះ ហ្សាគីនថូស (Zakynthos)។

ល្អាង​ខ្លះអាច​ឲ្យភ្ញៀវ​ចូលទៅ​ទស្សនា​បានតែ​តាមរយៈ​ទូក ខណៈ​ល្អាង​ខ្លះទៀត​សម្រាប់​អ្នកជំនាញ​ហែល​ទឹក និង​ជ្រមុជ​ទឹក​ប៉ុណ្ណោះ។

ល្អាង​ខាធ្រេដាល ប្រទេស​នូវែលសេឡង់

ល្អាង​ខាធ្រេដាល (Cathedral Cove) ដែល​មិនអាច​រំលង​ពីក្រសែ​ភ្នែក​ទេសចរ​បាន​នេះ ភ្ញៀវ​អាចធ្វើ​ដំណើរ​ថ្មើរ​ជើង ទូក ឬកា​យ៉ាក់។

ល្អាង​រាង​ខ្លោងទ្វារ​លយ​ពីច្រាំង​ថ្ម​ពណ៌ស​បង្កើត​បានជា​ល្អាង​ក្រហូង​ពីរ។ ឆ្នេរ​ដែលជា​គោលដៅ​ទេសចរណ៍​បំផុតមួយ​នៅ​ឧបទ្វីប​ខូរ៉ូមេន​ដែល លើឆ្នេរ North Island ខាង​កើត បានក្លាយ​ជាទី​ឋាន​ហែល​ទឹក និង​ពិចនិក​ដ៏ពេញ​និយម៕HR

0

Comments

Please, login or register to post a comment